Taslim Sheikh sign language interpreter : राष्ट्रपतींचे भाषण आणि तस्लीमचा सांकेतिक भाषेतून अनुवाद

Disability-friendly events आपले भाषण कर्णबधिर दिव्यांग व्यक्तींना देखील समजावे यासाठी President Droupadi Murmu राष्ट्रपती द्रौपदी मुर्मू यांनी गेल्या वर्षभरापासून आपल्या कार्यक्रमाच्या वेळी Indian Sign Language interpreter भारतीय सांकेतिक भाषा अनुवादक ठेवण्याचा अतिशय स्तुत्य असा नियम घालून दिला आहे. त्यामुळे संपूर्ण कार्यक्रम आता कर्णबधिर दिव्यांग व्यक्तींना समजणे सुलभ झाले आहे.

Hinduja Hospital 75th anniversary हिंदुजा हॉस्पिटलच्या ७५ वर्षपूर्तीनिमित्त सुरु करण्यात आलेल्या 'सेव्हिंग लाईव्हज, बिल्डिंग अ हेल्दीअर भारत' या देशव्यापी मोहिमेचे उदघाटन आज राष्ट्रपतींच्या हस्ते महाराष्ट्र लोकभवन येथे झाले. यावेळी राष्ट्रपती महोदयांच्या सूचनेनुसार संपूर्ण कार्यक्रमाचा भारतीय सांकेतिक भाषेनुसार अनुवाद करण्यासाठी अनुवादकाची व्यवस्था करण्यात आली होती.Taslim Sheikh sign language interpreter तस्लीम शेख या युवतीने या कार्यक्रमात सांकेतिक भाषा अनुवादक म्हणून अतिशय सहजतेने आणि सफाईदारपणे काम केले व उपस्थितांची मने जिंकली. 'वंदेमातरम' या राष्ट्रीय गीताने कार्यक्रमाची सुरुवात झाली. येथपासून राष्ट्रगीताने कार्यक्रम संपेपर्यंत संपूर्ण कार्यक्रमाचा तस्लीमने सांकेतिक भाषेतून अनुवाद केला. अर्थात केवळ राष्ट्रपतींच्या भाषणाचाच नाही, तर तस्लीम हिने राज्यपाल आचार्य देवव्रत,

मुख्यमंत्री देवेंद्र फडणवीस व हिंदुजा समूहाचे अध्यक्ष अशोक हिंदुजा यांच्या भाषणांचा देखील सांकेतिक भाषेत अनुवाद केला. कार्यक्रमाच्या सूत्रसंचालक सिमरन आहुजा यांच्या निवेदनाचा देखील तिने अनुवाद करून सांगितला.

योगायोग

गेल्या १४ वर्षांपासून तस्लीम शेख भारतीय सांकेतिक भाषा अनुवादक म्हणून कार्य करीत आहे. वांद्रे येथील अली यावर जंग नॅशनल इन्स्टिट्यूट ऑफ स्पीच अँड हिअरिंग डिसेबिलिटीज' येथून तिने भारतीय सांकेतिक भाषा अनुवाद विषयाचा पदविका अभ्यासक्रम पूर्ण केला आहे. सन १९७०- १९७६ या कालावधीत महाराष्ट्राचे राज्यपाल असलेले अली यावर जंग यांचे दिनांक ११ डिसेंबर १९७६ रोजी राजभवन येथे निधन झाले होते. त्यावेळी पंतप्रधान इंदिरा गांधी यांनी अली यावर जंग यांच्या पार्थिवाचे दरबार हॉल येथे दर्शन घेतले होते. अली यावर जंग यांच्या नावाने सुरु असलेल्या संस्थेतून प्रशिक्षण घेतलेल्या तस्लीम हिने आज ५० वर्षांनंतर लोकभवनातील त्याच दरबार हॉल येथे आत्मविश्वासाने सांकेतिक भाषा अनुवादक म्हणून काम करुन अली यावर जंग यांना एक प्रकारे मानवंदनाच दिली.

(साभार - सदर पोस्ट उमेश काशीकर यांच्या फेसबुक भिंतीवरून घेतली आहे.)