मॅक्स वुमनच्या लीडरशीप डायलॉगमध्ये सक्षमीकरणावर ऊहापोह

Max Woman Leadership Dialogue 2026 "लकीरें बाहर जाती सी जाती है तो जाने दो" या अनामिका जोशी यांच्या कवितेच्या ओळी समाजातील प्रत्येक महिलेला लागू होते. मार्च महिना म्हटलं की महिलांचा महिना... या महिन्यात महिलांच्या प्रभावशाली कर्तृत्वाचा, कामाचा गुणगौरव करण्याचा उत्साह अनेक ठिकाणी करताना पाहायला मिळतो. कौतुक, गौरव, सन्मान सोहळ्याच्या पलिकडे महिला काय करू शकतात? समाजातील त्यांचा वाटा फक्त महत्त्वाचाच नसून तर छोट्या छोट्या बदलांवर धोरणात्मक निर्णय घेण्याचाही आहे. समाजातील अनेक महिला आपले घर, काम, जबाबदारीने पार पडतात असतात.

याच जबाबदारीचे रुपांतर मुख्य भूमिकेत कसे होते? महिला लीडर कशा होतात? त्याचा समाजिक बदलांवर होणार प्रभाव, महिलांच्या कर्तृत्वापलीकडे नेतृत्वाची दिशा... या अनुषंगाने मॅक्स वुमन आणि मुंबई मराठी पत्रकार संघ यांच्या संयुक्त विद्यमाने मॅक्स वुमन लीडरशिप डायलॉग 2026 कार्यक्रम १७ मार्च २०२६ मंगळवारी आयोजित करण्यात आला होता.

या कार्यक्रमात समाजातील ज्येष्ठ पत्रकार राही भिडे, राज्यलक्ष्मी नायर ज्येष्ठ पोषण तज्ञ, युनिसेफ, डॉली ठाकूर, ज्योती विनायक मेटे, माजी प्रशासकीय अधिकारी तसेच शिवसंग्राम पक्षाच्या अध्यक्ष, दूरदर्शन सह्याद्री वाहिनीवर अनेक वर्ष वृत्तनिवेदन आणि स्तंभलेखिका ज्योती पाठारे जोशी या कार्यक्रमात सहभागी झाले होते. महिला घरापासून समाजपरिवर्तनापर्यंत... फक्त सहभाग नाही तर लीडरशीपही महत्त्वाची... या उद्देशाने मॅक्स वमन लीडरशीप डायलॉग कार्यक्रमाचे आयोजन करण्यात आले होते.