Gardasil 4 vaccine India : HPV विरुद्ध लस कॅन्सरपासून सुरक्षा देते का?
HPV लस खरोखरच कर्करोगापासून संरक्षण करते का? काय सांगतात पुरावे ? काय आहे भारताचे नवीन मोफत लसीकरण धोरण? सांगताहेत डॉ. प्रिया प्रभू , MD (PSM)
Government HPV vaccination program India भारत सरकारने एक महत्वाचा निर्णय घेतला आहे. ज्या कर्करोगामुळे दर 8 मिनिटाला एका स्त्रीचा मृत्यू होतो, अशा Cervical cancer prevention गर्भाशय मुखाच्या कॅन्सरविरुद्ध HPV लस सर्व १४ वर्षीय मुलींना मोफत देण्याचा निर्णय घेतला आहे. या निमित्ताने खरंच या लसीमुळे कॅन्सरपासून सुरक्षा मिळते का असा प्रश्न आपल्या मनात येऊ शकतो.
Your local epidemiologist या पेजवरील एक लेख वाचत असताना त्यामध्ये याच्या उपयुक्ततेबाबत एक महत्त्वाची माहिती मिळाली. आणि तुम्हा सर्वांशी ती शेअर करत आहे. तसेच त्यामध्ये उल्लेख केलेल्या US HPV vaccination study अभ्यासाची लिंक देखील सोबत देत आहे. जी लस आत्ता भारतात येणार आहे ती America अमेरिकेमध्ये गेली दोन दशके दिली जात आहे. त्यामुळे अमेरिकेतील ज्या मुली आता वीस वर्षाहून अधिक वर्षाच्या आहेत त्यांना लहानपणी ही लस मिळालेली होती. अशा 20 - 24 वयाच्या मुलींमध्ये कॅन्सर - पूर्व लक्षणे दिसतात का? याची तपासणी करण्यात आली आणि लसीकरण पूर्व आकड्यांपेक्षा आत्ताचे आकडे हे 80% कमी आहेत हे दिसून आले. म्हणजेच कर्करोगपूर्व बदल कमी झाले आहेत. त्याहून मोठ्या स्त्रियांमध्ये (24-29 वर्षे ) हे आकडे 37% कमी झालेले दिसून आले. यांना लस मिळण्यापूर्वी त्यांना संसर्ग झाला असण्याची शक्यता आहे. Cancer prevention vaccines त्या लशीसारखीच चार विषाणू प्रकारांपासून सुरक्षा देणारी gardasil लस आता भारतामध्येही मिळणार आहे.
अमेरिकेमध्ये ही Gardasil vaccine लस मुले व मुली दोघांनाही दिली जाते. तिथे 26 वर्षांपर्यंत लस घेता येते. जेव्हा ही लस इथे उपलब्ध होईल तेव्हा आपल्या १४ वर्षावरील मुलींना तिचा एक डोस अवश्य द्या. नव्या नियमावलीनुसार एक डोस देखील अपेक्षित सुरक्षा देऊ शकतो. याबाबत अनेक गैरसमज असल्याने आणि आता गैरसमज वाढत असल्याने योग्य माहिती घ्या आणि शास्त्रीय माहितीच्या आधारे निर्णय घ्या.
डॉक्टर देखील जो सल्ला देतील त्याबद्दल काही रेफरन्स आहे का अशी माहिती घेऊ शकता. लस सुरक्षित आहे. त्याने मुलींच्या प्रजनन क्षमतेवर कोणतेही परिणाम होणार नाहीत. कारण ही लस गेली अनेक दशके इतर देशांमध्ये दिली जात आहे व त्याचे कोणतेही गंभीर परिणाम दिसून आलेले नाहीत. तसेच याने कॅन्सरचे प्रमाण कमी होते हे देखील आढळून आले आहे.
तुमच्या मनातील लसीबाबतचे सर्व प्रश्न [email protected] या मेल वर पाठवल्यास त्याविषयी अधिक माहिती सोशल मीडियावर प्रसारित करण्याचा नक्की प्रयत्न करेन. प्रश्न योग्य निर्णय घेण्यास मदत करतात.
डॉ. प्रिया प्रभू , MD (PSM)
सहयोगी प्राध्यापक
शासकीय वैद्यकीय महाविद्यालय, मिरज
अमेरिकेतील अभ्यासाची लिंक
