काँग्रेसचे राज्यसभा उमेदवार सिंघवी दरमहा २५ कोटी कमावतात
Abhishek Manu Singhvi Net Worth : काँग्रेस २०१४ पासून केंद्रात सत्तेत नाहीये. मात्र, २०२४ च्या लोकसभा निवडणुकीत काँग्रेसला आधीपेक्षा चांगलं यश मिळालं. याशिवाय तेलंगाना सारख्या राज्यात सत्ताही मिळाली. याच राज्यातून आता काँग्रेसचे नेते तथा ज्येष्ठ विधीज्ञ अभिषेक मनु सिंघवी यांना काँग्रेसनं राज्यसभेची उमेदवारी दिलीय. निवडणुकीपूर्वीच सिंघवी यांनी आपला उमेदवारी अर्ज भरलाय. त्यानंतर अचानक त्यांची चर्चा सुरु झालीय. कारण याच अर्जासोबत सिंघवी यांनी आपली संपत्ती जाहीर केलीय. त्यानुसार सिंघवी यांची एकूण संपत्ती सुमारे २ हजार कोटी रुपये इतकी आहे.
बार एँड बेंच या वेबसाईटवर दिलेल्या एका माहितीनुसार अभिषेक मनु सिंघवी यांचं एक उत्पन्न, कर्ज आणि इतर वित्तीय गुंतवणूकीसंदर्भात माहिती दिलेली आहे. त्यानुसार सिंघवी कुटुंबाच्या एकूण मालमत्तेचं बाजारमूल्य हे अंदाजे २ हजार ५५८ कोटी रुपये इतकं आहे. २०२४-२५ या आर्थिक वर्षात सिंघवी यांनी ३७४ कोटी रुपयांपेक्षा अधिक उत्पन्न घोषित केलं होतं. त्याआधी म्हणजे २०२३-२४ मध्ये त्यांचं एकूण उत्पन्न हे ३३३ कोटी रुपये इतकं होतं. तर २०२२-२३ मध्ये ३५९ कोटी रुपये, २०२१-२२ मध्ये २९० कोटी तर २०२०-२०२१ मध्ये १५८ कोटी रुपयांपेक्षा अधिक होतं. याचाच अर्थ अभिषेक मनु सिंघवी हे दरवर्षी सुमारे ३०० कोटी रुपयांचं उत्पन्न मिळवतात. म्हणजेच दरमहा सुमारे २५ कोटी रुपये सिंघवी कमावतात.
सिंघवींच्या पत्नीकडे दीडशे कोटींचे दागिने
सिंघवी यांनी घोषित केलेल्या संपत्तीमध्ये त्यांच्याकडे २ कोटी ४० लाख रुपयांचे दागिणे आहेत. याशिवाय त्यांच्या पत्नीकडे १५७ कोटी ५३ लाख रुपयांचे दागिने आहेत. याशिवाय सिंघवी यांच्याकडे २५ कोटी रुपयांपेक्षा जास्त किमतीचे पेंटिंग आणि आर्टवर्क देखील आहेत.
सिंघवी आणि त्यांच्या पत्नीच्या नावावर नवी दिल्लीत निवासी मालमत्ता आहेत. याशिवाय सिंघवी यांनी ३५३ कोटी ३२ लाख रुपयांचे वैयक्तिक कर्ज देखील दिलेली आहेत. याशिवाय सिंघवींच्या पत्नीने देखील ७२ कोटी ९९ लाख रुपयांचं विविध कंपन्यांना कर्ज दिलेलं आहे.
विशेष म्हणजे शपथपत्रात घर आणि कार्यालयातील वस्तूंचंही विवरण देण्यात आलंय. त्यात एसी, फर्निचर, किचन अप्लायंसेस, कॉम्प्यूटर आणि इतर वस्तूंचा समावेश हे. यातल्या एका कॉम्प्यूटरची किंमत १६३ रुपये दाखविण्यात आलीय. याशिवाय सिंघवी यांनी अजूनही ६३ कोटींचा इनकम टॅक्स भरलेला नसल्याचं दिसतंय.
