हजारो एकर जमीन दाव्यांवर स्पष्टीकरण; मंत्री चंद्रशेखर बावनकुळेंचा कारवाईचा इशारा

भाजपचे नेते, मंत्री चंद्रशेखर बावनकुळे यांच्या कुटुंबाच्या नावावर हजारो एकर जमीन असल्याच्या आरोपांवर आता अधिकृत कागदपत्रांचा आधार देत स्पष्टीकरण देण्यात आलं आहे.अधिकृत प्रमाणपत्रानुसार, त्यांच्या कुटुंबाच्या नावावर फक्त 28.44 एकर जमीन (कामठी + नरखेड) नोंद असल्याचा दावा करण्यात आला आहे.

या संदर्भात सोशल मीडियावर आणि माध्यमांमध्ये पसरत असलेल्या अफवा व चुकीच्या माहितीकडे लक्ष वेधत, अशा खोट्या दाव्यांवर कारवाई होणार असल्याचा इशाराही मंत्री चंद्रशेखर बावनकुळे यांनी दिला आहे.

प्रमाणपत्रात नमूद केल्याप्रमाणे, महसूल नोंदींनुसार बावनकुळे कुटुंबाच्या नावावर असलेली जमीन मर्यादित असून, हजारो एकर जमिनीच्या बातम्या दिशाभूल करणाऱ्या असल्याचे सांगण्यात आले आहे. अफवा पसरवणाऱ्यांविरोधात कायदेशीर पावले उचलण्याची तयारीही दर्शवण्यात आली आहे. त्यामुळे जमीन वादावरून सुरू झालेलं राजकीय वातावरण आणखी तापण्याची शक्यता व्यक्त केली जात आहे.