Anthropic vs OpenAI, बिग टेक वि नेशन स्टेट; एक बिग टेक वि दुसरी बिग टेक कंपनी!
सुरु असलेल्या युद्धामुळे काही महत्त्वाच्या घडामोडी नजरेआड होत आहे. तंत्रज्ञान जगात नागरिकांचे स्वातंत्र्य कसे असेल? अँथ्रोपिक विरुद्ध ओपनएआय? काय आहे पेंटेगॉन करार? एआय क्षेत्रातील सुरु असलेल्या संघर्षाचे भारतावर काय परिणाम होऊ शकतात? सांगताहेत अर्थतज्ज्ञ संजीव चांदोरकर
इस्रायल-अमेरिकेने इराणवर केलेल्या हल्ल्याचा जगावरचा आघात एवढा मोठा होता / आहे की त्यामुळे इतर आघाड्यांवर घडणाऱ्या महत्वाच्या घटना नजरेआड झाल्या. अशीच एक घटना अमेरिकेतील आर्टिफिशियल इंटेलिजन्स क्षेत्रात घडली आहे. अँथ्रोपिक आपल्याला माहित झाली आहे. जिच्या एआय प्रॉडक्ट Cloude मुळे आपल्या आयटी कंपन्यांचे शेयर्स गडगडले होते. आणि चॅटजीपीटी आणि तिची कंपनी ओपन एआय आपल्याला माहित आहे. अँथ्रोपिक कंपनीबरोबर त्यांचे एआय प्रॉडक्ट वापरण्यासाठी अमेरिकेच्या संरक्षण मंत्रालय / पेंटेगॉन बरोबर वाटाघाटी सुरु होत्या. २०० मिलियन्स डॉलर्सचे कंत्राट होते. वाटाघाटी दरम्यान अँथ्रोपिक कंपनीने कंत्राटात एका अटीचा आग्रह धरला की आपले एआय प्रॉडक्ट देशांतर्गत नागरिकांवर निगराणी / हेरगिरी / surveillance साठी वापरले जाणार नाही याची पेंटेगॉनने हमी द्यावी.
पेंटेगॉनने त्याला नकार दिला. भविष्यात कोणताही धंदा मिळणार नाही असे सांगितले. अमेरिकेच्या संरक्षण मंत्र्यांनी अँथ्रोपिकला देशाच्या संरक्षणासाठी जोखीम (supply chain risk to national security) म्हणून जाहीर केले. पाठोपाठ डोनाल्ड ट्रम्प यांनी ट्विट केले “Anthropic is radical left AI company” (या लोकांना झोपेत देखील LEFT दिसते!) स्टोरी इथे थांबत नाही. लगोलग ओपन एआयने आपण पेंटेगॉन बरोबर एआय प्रॉडक्टसाठी कंत्राट करत आहोत असे जाहीर केले.
अँथ्रोपिक आणि ओपन एआय या दोन्ही कंपन्या परस्परांच्या कट्टर स्पर्धक राहिल्या आहेत. एवढेच नाही. Dario Amodei हे अँथ्रोपिकचे प्रवर्तक तर सॅम अल्टमन ओपन एआयचे प्रवर्तक. Dario ओपन एआयमध्ये कंपनीमध्ये काम करत होते. २०२१ मध्ये त्यांचे अल्टमन यांच्याशी गंभीर मतभेद झाले, दोन प्रमुख मुद्यांवर. जे पॉलिटिकली लोडेड आहेत. एक, आर्टिफिशियल इंटेलिजन्स कंपनीसाठी पैसे कसे / कोठून उभे करायचे आणि दोन, आपल्या एआय प्रॉडक्टचा वापर कशासाठी करू द्यायचा.
मी त्याला पॉलिटिकली लोडेड का म्हणालो, तर एआय प्रॉडक्ट डेव्हलप करण्यासाठी भांडवल देणारा गुंतवणूकदार कोणताही विधिनिषेध किंवा सामाजिक / राजकीय मूल्ये मानणारा नसेल तर तो भांडवल घेणाऱ्या कंपनीवर फक्त धंदा एके धंदा करण्यासाठी वाट्टेल त्या थराला जाणार हे उघड आहे. म्हणून भांडवल स्वीकारताना त्याचे कॅरॅक्टर तेवढेच महत्वाचे असते.
अँथ्रोपिकचे कंत्राट बारगळ्यानंतर सॅम अल्टमन यांनी संरक्षण मंत्रालयाबरोबर भागीदारी जाहीर केली. अँथ्रोपिकमुळे नागरिकांवर सरंक्षण मंत्रालयाचा नागरिकांवर पाळत ठेवण्याचा इश्यू बाहेर आला होता. त्यामुळे अल्टमन यांना त्यावर बोलणे गरजेचे होते. त्यांनी जाहीर केले की आम्ही पेंटेगॉनला “कोणत्याही प्रचलित कायद्याचे उल्लंघन न करणारी कृती करण्यासाठी (any lawful purpose) आमचे एआय प्रॉडक्ट विकणार आहोत. आम्ही आमच्या प्रॉडक्टमध्ये सिक्युरिटी safeguard ठेवू” अजून एक बातमी. अलीकडेच ऍमेझॉनच्या बोझेस यांनी ओपन एआय मध्ये ५० बिलियन डॉलर्स गुंतवणुकीचा करार केला आहे. हे आहे वर उल्लेख केलेले भांडवलाचे कॅरॅक्टर.
आता स्टोरीला पॉझिटिव्ह ट्विस्ट
अँथ्रोपिकने नागरिकांच्यासाठी ट्रम्प प्रशासनांबरोबर पंगा घेतला, मिळणाऱ्या धंद्याची किंमत मोजली. ट्रम्प प्रशासन विरुद्ध कोर्टात गेले. आणि ओपन एआयने नागरिकांचे हित सांभाळण्यासाठी पेंटेगॉनबरोबर गुळमुळीत तरतुदी केल्या हे सर्व अमेरिकन नागरिक बघत होते, ट्रॅक करत होते. नागरिकांनी चॅटजीपीटी ऍप मोठ्या प्रमाणावर अन इन्स्टॉल आणि क्लाऊड ऍप इन्स्टॉल करायला सुरुवात केली आहे. अँथ्रोपिकचा रेव्हेन्यू वाढू लागला आहे. एआय क्षेत्राचे गव्हर्नन्स, पारदर्शीपणा, जनतेप्रती अकाऊंटेबिलीटी हे गंभीर मुद्दे आहेत. जनता सार्वभौम आहे, जर तिने कृती केली तरच.
भारतातील किमान सजग नागरिकांनी, विशेषतः टेक सॅव्ही तरुण वर्गाने, हे जे काही अमेरिकेत एआय क्षेत्रात घडत आहे , भविष्यात घडेल त्याचा मागोवा ठेवला पाहिजे. शुष्क माहिती जमवण्यासाठी नव्हे. आपल्या जीवन मरणाचे इश्यू आहेत हे.
Anthropic vs OpenAI, OpenAI Pentagon contract, Anthropic Claude AI, AI national security debate, AI surveillance concerns, Artificial intelligence governance, Big Tech vs government, AI ethics and regulation, AI military applications, Pentagon AI partnership
