व्हीव्हीएस लक्ष्मण 13 डिसेंबर रोजी राष्ट्रीय क्रिकेट अकादमीचे प्रमुख म्हणून पदभार स्वीकारणार

नवी दिल्ली : भारतीय क्रिकेट संघाचा माजी दिग्गज फलंदाज व्हीव्हीएस लक्ष्मण लवकरच राष्ट्रीय क्रिकेट अकादमीच्या प्रमुखपदाची जबाबदारी स्वीकारणार आहे. कोलकाता येथे झालेल्या सर्वसाधारण वार्षिक सभेमध्ये व्हीव्हीएस लक्ष्मणच्या नियुक्तीला मान्यता देण्यात आली आहे.

व्हीव्हीएस लक्ष्मण 13 डिसेंबर रोजी राष्ट्रीय क्रिकेट अकादमीचे प्रमुख म्हणून पदभार स्वीकारणार असल्याची माहिती आहे. लक्ष्मण राष्ट्रीय क्रिकेट अकादमीत माजी एनसीए प्रमुख राहुल द्रविडची जागा घेणार आहे. राहुल द्रविडला नुकतेच वरिष्ठ भारतीय क्रिकेट संघाचे मुख्य प्रशिक्षक बनवण्यात आले आहे. लक्ष्मण यांच्यासह ऑस्ट्रेलिया आणि इंग्लंडचे माजी गोलंदाजी प्रशिक्षक ट्रॉय कुली यांची राष्ट्रीय क्रिकेट अकादमीत वेगवान गोलंदाजी प्रशिक्षक म्हणून नियुक्ती करण्यात आली.