विशाल निकम ठरला 'बिग बॉस' मराठीच्या तिसऱ्या पर्वाचा विजेता
छोट्या पडद्यावरील ‘बिग बॉस’ मराठीचे तिसरे पर्व सुरु आहे. यंदाच्या तिसऱ्या पर्वात विजेता कोण ठरणार? याकडे अवघ्या महाराष्ट्राचे लक्ष लागले होते. अखेर बिग बॉस मराठीच्या विजेत्याची घोषणा झाली. विशाल निकम हा बिग बॉस मराठीच्या तिसऱ्या पर्वाचा विजेता ठरला आहे.
मुंबई // छोट्या पडद्यावरील 'बिग बॉस' मराठीचे तिसरे पर्व सुरु आहे. यंदाच्या तिसऱ्या पर्वात विजेता कोण ठरणार? याकडे अवघ्या महाराष्ट्राचे लक्ष लागले होते. अखेर बिग बॉस मराठीच्या विजेत्याची घोषणा झाली. विशाल निकम हा बिग बॉस मराठीच्या तिसऱ्या पर्वाचा विजेता ठरला आहे.
२६ डिसेंबरला संध्याकाळी ७ वाजल्यापासून बिग बॉस मराठीच्या तिसऱ्या पर्वाच्या महाअंतिम सोहळ्यास सुरुवात झाली. यावेळी सर्व स्पर्धकांचा नृत्याविष्कार पाहायला मिळाला. यात मिनल शहा, जय दुधाणे, विशाल निकम , विकास पाटील आणि उत्कर्ष शिंदे या टॉप ५ स्पर्धकांचा जबरदस्त डान्सही पाहायला मिळाला.
यादरम्यान मिनल शहा ही बिग बॉसच्या स्पर्धेतून बाहेर पडली. त्यानंतर उत्कर्ष शिंदेंनेही एक्झिट घेतली. त्यामुळे विकास, विशाल आणि जय हे तिघांमध्ये चुरशीची स्पर्धा झाली. यात विकास पाटील स्पर्धेतून बाहेर पडल्यानंतर जय आणि विशाल या दोघांत विशाल निकम हा बिग बॉसच्या तिसऱ्या पर्वाचा विजेता ठरला. त्याला बिग बॉसची ट्रॉफी आणि २० लाख रुपये बक्षिसाची रक्कम म्हणून देण्यात आली.दरम्यान, सोशल मीडियावर विशाल निकमवर शुभेच्छांचा वर्षाव सुरु आहे.
