वीरमाता जिजाबाई भोसले उद्यान व प्राणिसंग्रहालय 1 नोव्हेंबरपासून नागरिकांकरिता खुले होणार
मुंबई : कोरोना महामारीच्या पार्श्वभूमीवर बंद असलेले वीरमाता जिजाबाई भोसले उद्यान व प्राणिसंग्रहालय सोमवार, दि. 1 नोव्हेंबरपासून नियमित वेळेनुसार पर्यटकांसाठी पुन्हा खुले करण्यात येणार आहे. पर्यटकांसाठी सकाळी 9:30 ते सायंकाळी 6 वाजेपर्यंत तर प्रभातफेरीसाठी येणाऱ्या नागरिकांकरिता सकाळी 6 ते 8:30 वाजेपर्यंत प्राणिसंग्रहालय पुन्हा खुले करण्यात येत आहे.
प्राणिसंग्रहालयातील तिकीट कांऊटर सायंकाळी 5:15 ऐवजी दररोज सायंकाळी 4 वाजता बंद करण्यात येईल. दिवसभरात किंवा सुटीच्या दिवशी कोणत्याही वेळेस प्राणिसंग्रहालयामध्ये जास्त प्रमाणात गर्दी झाली असल्याचे निदर्शनास आल्यास प्राणिसंग्रहालयाचे प्रवेशद्वार पर्यटकांकरिता ताबडतोब बंद करुन तिकिट विक्री थांबविण्यात येईल.अशी माहिती प्रशासनाच्या वतीने देण्यात आली आहे. तसेच जेष्ठ नागरिक व लहान मुले (५ वर्षांखालील) यांनी शक्यतो प्राणिसंग्रहालयास भेट देणे टाळावे, असे आवाहन बृहन्मुंबई महानगरपालिका प्रशासनाच्यावतीने करण्यात आले आहे.
