केंद्रीय मंत्र्यांच्या गाडीचा अपघात, अपघातात पत्नीचं निधन

केंद्रीय आयुष मंत्री श्रीपाद नाईक यांच्या गाडीचा भीषण अपघात झाला आहे. या अपघातात त्यांच्या पत्नी विजया नाईक यांचा मृत्यू झाला आहे. सध्या श्रीपाद नाईक यांच्यावर उपचार सुरू आहेत. गोव्यातील भाजपचा एक आश्‍वासक चेहरा म्हणून श्रीपाद नाईक यांच्याकडे पाहिले जाते.

कुठं झाला अपघात?

कर्नाटक राज्यातील अंकोला तालुक्‍यातील होसाकंबी गावातून प्रवास करत असताना नाईक यांच्या गाडीचा अपघात झाला. या अपघातात त्यांची गाडी पलटी झाली. यामध्ये विजया नाईक यांना गंभीर दुखापत झाली होती. रुग्णालयात दाखल करताच त्यांचा मृत्यू झाला. तर इतर तिघे किरकोळ जखमी झाले आहेत.

श्रीपाद नाईक हे गोव्यातील दिग्गज नेते आहेत. दिवंगत नेते मनोहर पर्रिकर यांच्या निकटवर्तीयांपैकी एक आहेत.