कोरोनाचे रुग्ण वाढले तरी गंभीर रुग्णांची संख्या कमी - केंद्रीय आरोग्य मंत्री

देशात कोरोनाच्या रुग्णांची संख्या दिवसेंदिवस वाढत चालली आहे. गेल्या 24 तासात देशभरात तब्बल एक लाख 31 हजार नवे रुग्ण आढळून आले आहेत. पण कोरानाची रुग्ण संख्या वाढत असली तरी व्हेंटिलेटरवरील रुग्णांचे प्रमाण केवळ ०. 49% असल्याची माहिती केंद्रीय आरोग्य मंत्री हर्षवर्धन यांनी दिलेली आहे. कोरोना संदर्भात स्थापन करण्यात आलेल्या मंत्रिगटाच्या बैठकीनंतर केंद्रीय आरोग्य मंत्र्यांनी देशातील कोरोनाची सद्यस्थिती मांडली. देशातील एकूण रुग्णांपैकी केवळ 2.31 रुग्ण हे ICU मध्ये आहेत. तर केवळ ४.५१ टक्के रुग्णांना ऑक्सिजन बेडची गरज पडत असल्याची माहितीही हर्षवर्धन यांनी दिली आहे. तर देशातील ६३ जिल्हयांमध्ये गेल्या २८दिवसात एकही नवीन रुग्ण आढळलेले नाहीत.