तृणमूल कॉंग्रेस पत्रकार सागरिका घोष यांना राज्यसभेवर पाठवणार

पश्चिम बंगाल: तृणमूल काँग्रेस (TMC) पक्षाने वरिष्ठ पत्रकार सागरिका घोष यांना राज्यसभेवर पाठवण्याचा निर्णय घेतला आहे. पक्षाने रविवारी राज्यसभा निवडणुकीसाठी उमेदवारांची यादी जाहीर केली आणि त्यात सागरिका घोष यांच्या नावाचा समावेश होता.

सागरिका घोष sagarika ghosh यांनी अनेक नामांकित वृत्तपत्रे आणि टीव्ही चॅनेलसाठी काम केले आहे. त्या 'द इंडियन एक्सप्रेस' आणि 'द टाइम्स ऑफ इंडिया' सारख्या प्रमुख वृत्तपत्रांच्या संपादकीय सदस्या राहिल्या आहेत. त्यांनी 'इंदिरा: इंडियाज मोस्ट पॉवरफुल प्राइम मिनिस्टर' आणि 'ब्लाइंड फेथ' सारख्या अनेक पुस्तकांच लेखनही केलं आहे.

तृणमूल कॉंग्रेस कडून राज्यसभेसाठी सागरिका घोष यांना नामनिर्देशित केल्यावर सागरिका यांनी त्यांच्या एक्स X हँडलद्वारे पोस्ट करत तृणमूल कॉंग्रेस आणि मुख्यमंत्री ममता बॅनर्जी mamata banerjee यांचे आभार मानले आहेत. घोष म्हणतात " तृणमूल कॉंग्रेसने मला राज्यसभेवर नामनिर्देशित केल्याबद्दल आनंद आणि सन्मान वाटत आहे. ममता बॅनर्जी भारतातील एकमेव महिला मुख्यमंत्री यांच्या जबरदस्त धैर्याने मी प्रेरित राहते. घटनात्मक लोकशाही मूल्यांप्रती माझी बांधिलकी अटळ आहे अस घोष आपल्या एक्स X हँडलद्वारे केलेल्या पोस्ट मध्ये म्हणतात.

TMC पक्षाने घोष यांना राज्यसभेवर पाठवण्याचा निर्णय घेतल्याने अनेकांच्या भुवया उंचावल्या असून त्यांना आश्चर्य वाटले आहे. घोष यांनी यापूर्वी राजकारणात सक्रिय सहभाग घेतला नाही. तथापि, त्या 'आज तक' चॅनेलवरील 'ब्लैक एंड व्हाइट' नावाच्या लोकप्रिय वादविवाद कार्यक्रमात सहभागी होत अनेकदा राजकीय मुद्द्यांवर भाष्य केले आहे.

घोष यांच्या नामांकनामुळे TMC पक्षाला राष्ट्रीय पातळीवर आपली उपस्थिती मजबूत करण्यास मदत होईल. TMC पक्षाने राज्यसभेसाठी इतर तीन उमेदवारांचीही घोषणा केली आहे. त्यात सुष्मिता देव, ममता बाला ठाकुर आणि मोहम्मद नदीमुल हक यांचा समावेश आहे.