सीताराम कुंटे महाराष्ट्राचे नवे मुख्य सचिव

राज्याच्या गृह विभागाचे अतिरिक्त सचिव सीताराम कुंटे यांची राज्याच्या मुख्य सचिवपदी नियुक्ती करण्यात आली आहे. मुख्यमंत्री उद्धव ठाकरेंच्या कार्यालयानं ही माहिती दिली आहे. राज्याच्या मुख्य सचिवपदी निवड झालेले सीताराम कुंटे हे 1985 सालचे IAS अधिकारी आहेत. सीताराम कुंटे येत्या 9 महिन्यांपर्यंत राज्याच्या मुख्य सचिवपदावर राहू शकतील, कारण नोव्हेंबर 2021 मध्ये तेही सेवानिवृत्त होणार आहेत.

सीताराम कुंटे सध्या गृह विभागात अतिरिक्त मुख्य सचिव म्हणून काम पाहत होते. राज्याचे विद्यमान मुख्य सचिव संजय कुमार 28 फेब्रुवारीला सेवानिवृत्त होत आहेत.

कोण आहेत सीताराम कुंटे?

सीताराम कुंटे हे 1985 च्या बॅचचे आयएएस अधिकारी

गृह विभागाचे अतिरिक्त मुख्य सचिव म्हणून सध्या कार्यरत

सामान्य प्रशासन विभागाचे अतिरिक्त मुख्य सचिव म्हणूनही सेवा

2012 ते 2015 या कालावधीत मुंबई महापालिकेचे आयुक्तपद

मुंबई महापालिकेचे अतिरिक्त आयुक्त म्हणूनही काम पाहिले

महाराष्ट्र सरकारमध्ये अनेक विभाग हाताळण्याचा अनुभव

महाराष्ट्र गृहनिर्माण व क्षेत्र विकास प्राधिकरणाचे प्रमुख म्हणून अनुभव