आर्थिक मंदीचे चटके : MUMBAI MIRROR आणि PUNE MIRROR बंद होणार

देशातील अग्रगण्य माध्यम समूह असलेल्या टाईम्स ग्रुपने MUMBAI MIRROR आणि PUNE MIRROR ही आपली दैनिके बंद करण्याचा निर्णय घेतला आहे. कोरोनाच्या संकटामुळे लागू करण्यात आलेल्या लॉकडाऊनमुळे निर्माण झालेल्या आर्थिक संकटातून हा निर्णय घेतल्याचे टाईम्स ग्रुपने प्रसिद्ध केलेल्या निवेदनात म्हटले आहे. पण एक चांगली बाब म्हणजे MUMBAI MIRROR साप्ताहिक स्वरुपात नव्याने सुरू केले जाणार आहे. तसेच MUMBAI MIRROR डिजिटल स्वरुपात सक्षम करणार असल्याचेही या निवेदनात संगण्यात आले आहे.

"गेल्या काही दिवसांपासून सुरू असलेल्या चर्चेनंतर आम्ही अत्यंत जड मनाने आमच्या प्रकाशनाचे स्वरुप बदलण्याचे निर्णय घेतला आहे, असे त्यांनी सांगितले आहे. आम्ही आमचे पत्रकार आणि कर्मचाऱ्यांचे आभार मानतो कारण त्यांनी अत्यंत कमी काळात चांगला ब्रँड तयार केला. पण गेल्या काही काळात वृत्तपत्रांचा फक्त महसूल कमी झाला आहे असे नाही तर वृत्तपत्र छपाईचा खर्चही वाढला आहे. परिस्थिती सुधारत नसल्याचे दिसते आहे आणि आता तर देशात आर्थिक मंदी आल्याने आम्ही हा निर्णय घेतला" असे टाईम्स समूहातर्फे सांगण्यात आले आहे.आर्थिक मंदीचे चटके : MUMBAI MIRROR आणि PUNE MIRROR बंद होणार