रस्ता लूट करणाऱ्या आरोपीला स्थानिक गुन्हे शाखेने घेतले ताब्यात
रस्त्याने पायी जाणाऱ्या महिलेला चाकूचा धाक दाखवत लुटणाऱ्या आरोपीला अहमदनगर स्थानिक गुन्हे शाखेने ताब्यात घेतले आहे. किरण मेहेत्रे असं या आरोपीचे नाव असून तो जामखेड येथील रहिवासी असल्याची माहिती स्थानिक गुन्हे शाखेचे पोलीस निरीक्षक अनिल कटके यांनी दिली आहे.
अहमदनगर : रस्त्याने पायी जाणाऱ्या महिलेला चाकूचा धाक दाखवत लुटणाऱ्या आरोपीला अहमदनगर स्थानिक गुन्हे शाखेने ताब्यात घेतले आहे. किरण मेहेत्रे असं या आरोपीचे नाव असून तो जामखेड येथील रहिवासी असल्याची माहिती स्थानिक गुन्हे शाखेचे पोलीस निरीक्षक अनिल कटके यांनी दिली आहे.
6 ऑगस्ट रोजी सुमिता दिनेश जाधव या पारनेरहून जाधववाडीकडे पायी जात असताना आरोपी किरण मेहेत्रे याने दुचाकीवरून येत त्यांना चाकूचा धाक दाखवून त्यांच्याकडून सोन्याचे मंगळसूत्र, कानातील कर्णफुले, आणि दोन मोबाईल असा 19 हजारांचा मुद्देमाल लुटला होता. याबाबत पारनेर पोलीस ठाण्यात गुन्ह्याची नोंद करण्यात आली होती.
दरम्यान हा गुन्हा किरण मेहेत्रे याने केल्याची गुप्त माहिती स्थानिक गुन्हे शाखेचे पोलीस निरीक्षक अनिल कटके यांना मिळताच त्यांनी कारवाई करत आरोपी किरण मेहेत्रे याला ताब्यात घेतले आहे.
सुरवातीला किरण मेहेत्रे याची विचारपूस केली असता त्याने उडवा उडवीची उत्तरे दिली मात्र पोलीसी खाक्या दाखवताच त्याने 5 हजार रुपये किंमतीचा मोबाईल फोन काढून पोलिसांना दिला. दरम्यान पोलिसांनी किरण मेहेत्रे याला जप्त केलेल्या मोबाईलसह पारनेर पोलिसांच्या ताब्यात दिले आहे. याबाबत पारनेर पोलीस अधिकचा तपास करत आहे.
