ऐतिहासिक निर्णय! सौरभ कृपाल पहिले समलैंगिक जज

नवी दिल्ली : सर्वोच्च न्यायालयाच्या कॉलेजियमने ११ नोव्हेंबर रोजी जेष्ठ वकील सौरभ कृपाल यांच्या नावाची शिफारस न्यायमूर्ती पदी बढती करण्यासाठी केली होती. सुप्रिम कोर्टाने त्याला संमती दिली आहे. सौरभ कृपाल यांची दिल्ली उच्च न्यायलयाच्या न्यायमूर्ती पदी नियुक्ती करण्यात आली आहे. SC कॉलेजियमने न्यायव्यवस्थेत गे सदस्याला न्यायाधीश करण्याची ही पहिलीच घटना असल्याने हा ऐतिहासिक प्रसंग मानला जात असून या निर्णयाचे स्वागत होत आहे. त्यामुळे सौरभ कृपाल हे पहिले गे न्यायमूर्ती झाले आहेत.

सर्वोच्च कोर्टाने म्हटले आहे की, 11 नोव्हेंबर रोजी कॉलेजियमच्या बैठकीत याबाबत निर्णय घेण्यात आला होता, त्याला संमती देण्यात येत आहे. कॉलेजियमच्या शिफारशीवर प्रतिक्रिया व्यक्त करताना, ज्येष्ठ वकील इंदिरा जयसिंग यांनी ट्विटरवर लिहिले होते, "सौरभ कृपाल यांचे अभिनंदन, जे देशातील उच्च न्यायालयाचे पहिले समलिंगी न्यायाधीश होण्यासाठी सज्ज झाले आहेत." "शेवटी आम्ही लैंगिक अभिमुखतेवर आधारित भेदभाव समाप्त करणारी सर्वसमावेशक न्यायव्यवस्था बनणार आहोत," अशा इंदिरा जयसिंग यांनी आपल्या ट्विटमध्ये म्हटले आहे.