मनसुख हिरेन खून प्रकरण, सचिन वाझेने प्रदीप शर्माला दिली सुपारी

मुकेश अंबानी यांच्या घरापुढे आढळलेल्या स्फोटकं भरलेल्या कार भरलेल्या प्रकरणी आता आणखी धक्कादायक माहिती समोर आली आहे. NIA ने 3 सप्टेंबर रोजी सचिन वाझेसह काही जणांवर आरोपपत्र दाखल केले आहे. या आऱोपपत्रात देण्यात आलेली माहिती आता समोर आली आहे. सचिन वाझे याने मनसुख हिरेनचा खून करण्याचा कट रचला, आणि या खुनाची सुपारी माजी पोलीस अधिकारी आणि एन्काऊंटर स्पेशालिस्ट प्रदीप शर्माला दिली होती. त्यासाठी शर्मा यांना मोठी रक्कम देण्यात आल्याचे आरोपपत्रात सांगण्यात आले आहे.

मनसुख हिरेनच्या खुनाची सुपारी घेतल्यानंतर प्रदीप शर्माने संतोष शेलार याला संपर्क साधून कटात सहभागी करुन घेतले. त्यानंतर या दोघांनी मिळून हिरेनला संपवले. ४ मार्चला मनसुख हिरेनचा खून झाला, त्याच्या दोन दिवस आधी २ मार्च रोजी हे सर्व आरोपींची भेट झाली होती. यामिटिंगला सुनील माने, प्रदीप शर्मा दोघंही उपस्थित होते. मनसुख हिरेनदेखील या बैठकीसाठी होता. NIA च्या दाव्यानुसार हिरेन कसा दिसतो हे मारेकऱ्यांना माहिती असावे यासाठी वाझेने मुद्दाम ही बैठक घेतली होती. त्याच दिवशी संध्याकाळी सचिन वाझेने अंधेरीतील चकाला इथे सुनील माने आणि एक बुकी नरेश गौर सिम कार्ड आणि मोबाईल हँडसेट दिला.

यानंतर सुनील माने ३ मार्च रोजी सचिन वाझेच्या ऑफिसमध्ये गेले होते, तसेच वाझेने सिमकार्ड, मोबाईल परत केला. त्यानंतर वाझे त्या दिवशी पुन्हा मानेला चकालामध्ये भेटला. एक मोबाईल घेऊन त्याला ठाणे इथे येण्यास सांगितले. ४ मार्चला संतोष माने याने मालाडमधील पोलीस अधिकारी असल्याचा बनाव करत मनसुख हिरेनला फोन केला. यानंतर हिरेन त्याला भेटण्यासाठी गेला. मानेने मनसुखला शेलारच्या ताब्यात दिले. संतोष शेलार, मनीष सोनी, सतीश मोथुकरी आणि आनंद जाधव यांच्यासह तवेरा गाडीत त्यांची वाट पाहत थांबले होते. या लोकांनी मनसुख हिरेनला त्या गाडीतच मारले आणि मृतदेह खाडीत फेकूला.

आरोपपत्रात NIA ने केलेल्या दाव्यानुसार ३ मार्चला वाझेने प्रदीप शर्माला पैशांनी भरलेली बॅग दिली, यामध्ये ५०० रुपयांच्या नोटा होत्या. पैसे घेतल्यानंतर प्रदीप शर्माने शेलारला फोन करून तवेराची व्यवस्था करण्यास सांगितल्याचे यामध्ये सांगण्यात आले आहे.