रुपाली चाकणकरांचा राष्ट्रवादी महिला काँग्रेस प्रदेशाध्यक्षपदाचा राजीनामा
रुपाली चाकणकर यांनी राष्ट्रवादी महिला काँग्रेसच्या प्रदेशाध्यक्षपदाचा राजीनामा दिला आहे. भोंदूबाबा अशोक खरात प्रकरणाच्या पार्श्वभूमीवर त्यांनी हा निर्णय घेतल्याची माहिती समोर आली आहे.
यापूर्वीही या प्रकरणामुळे त्यांना महिला आयोगाच्या अध्यक्षपदाचा राजीनामा द्यावा लागला होता. आता त्यांनी ट्विट करत खरात प्रकरणाशी आपला कोणताही संबंध नसल्याची भूमिका पुन्हा एकदा स्पष्ट केली आहे.
चाकणकर यांनी आपल्या ट्विटमध्ये म्हटले आहे की, या प्रकरणाबाबत पहिल्याच दिवशी आपण भूमिका स्पष्ट केली होती. संबंधित व्यक्तीच्या आर्थिक व्यवहारांशी किंवा गैरकृत्यांशी आपला दूरान्वयेही संबंध नसल्याचे त्यांनी नमूद केले. तपासादरम्यान सर्व बाबी स्पष्ट होतील, असा विश्वास त्यांनी व्यक्त केला. पुरावा नसताना माध्यमांमधून होत असलेले आरोप वेदनादायक असल्याचेही त्यांनी सांगितले.
तपास पारदर्शक आणि निष्पक्ष व्हावा, अशी मागणी आपण यापूर्वीच मुख्यमंत्री, उपमुख्यमंत्री आणि पोलिस महासंचालकांकडे केल्याचे त्यांनी म्हटले आहे.
दरम्यान, आज सकाळी सुनेत्रा पवार यांच्याशी फोनवर चर्चा झाल्यानंतर राष्ट्रवादी महिला काँग्रेस प्रदेशाध्यक्षपदाचा राजीनामा दिल्याची माहिती त्यांनी दिली आहे.
खरात प्रकरणाबाबत पहिल्या दिवशीच मी माझी भूमिका स्पष्ट केली आहे.त्याच्या आर्थिक व्यवहारात,त्याच्या गैरकृत्यात दुरान्वये संबंध नाही,आजही तीच स्पष्ट व ठाम भूमिका आहे.तपासादरम्यान या सर्व बाबी निष्पन्न होतीलच. खोटे,असत्य व कुठलाही पुरावा नसताना जे आरोप माध्यमांमधून होत आहेत,ते… pic.twitter.com/9awsGZmgJL
— Rupali Chakankar (@ChakankarSpeaks) March 27, 2026
