OBC आरक्षण : भुजबळांनी नेतृत्व करावे, सोबत काम करेन – देवेंद्र फडणवीस

राष्ट्रवादी काँग्रसचे ज्येष्ठ नेते आणि राज्याचे अन्न आणि नागरी पुरवठा मंत्री छगन भुजभळ यांनी गुरूवारी सकाळी विरोधी पक्षनेते देवेंद्र फडणवीस यांची भेट घेतली. ही भेट देवेंद्र फडणवीस यांच्या सागर या निवासस्थानी झाली. यावेळी भुजबळ यांच्यासोबत समीर भुजबळ देखील उपस्थित होते. ओबीसी आरक्षणा संदर्भात ही भेट असल्याचे छगन भुजबळ यांनी सांगितले आहे. तर देवेंद्र फडणवीस यांनीही या भेटीबद्दल सविस्तर माहिती दिली.

छगन भुजबळ यांनी ओबीसींच्या राजकीय आरक्षणासंदर्भात आपली भेट घेतली. त्यांनी आरक्षणासाठी आवश्यक इम्पेरिकल डाटा कसा मिळवता येईल यासंबंधी आपले म्हणणे जाणून घेतल्याची माहिती देवेंद्र फडणवीस यांनी दिली आहे. मराठा आऱक्षणा साठी कशा पद्धतीने आपण इम्पेरिकल डाटा गोळा केला आणि तो सर्वोच्च न्यायालयाने कसा वैध ठरविला याची माहिती आपण भुजबळ यांना दिली, असेही फडणवीस यांनी सांगितले. तसेच भुजबळानी पुढाकार घेऊन काही एजन्सी नेमण्याची गरज आहे, या सर्व कामात विरोधी पक्ष म्हणून पूर्ण सहकार्य करुन असे आश्वान आपण भुजबळांना दिले. तसेच या प्रश्नावर भुजबळ नेतृत्व करावे आपण सोबत काम करु असे आश्वासनही देवेंद्र फडणवीस यांनी दिल्याचे सांगितले. आरक्षणाबाबत आपल्याला काय वाटते त्याची एक नोटही आपण सरकारला करुन देण्यास तयार आहोत, असेही फडणवीस यांनी सांगितले.