एकाच शोमध्ये १४ ड्रेस, रविश कुमार यांनी कुणाचे कपडे उतरवले?
ज्येष्ठ पत्रकार रवीश कुमार हे कायम आपल्या परखड पत्रकारितेसाठी चर्चेत असतात. आताही ते अशाच एका खास कारणामुळे चर्चेत आले आहेत. रविशकुमार यांनी २४ डिसेंबर रोजी आपल्या प्राईमटाईम शोमध्ये एक वेगळा प्रयोग केला. त्यांनी अर्ध्या तासाच्या या कार्यक्रमात तब्बल १४ ते १५ वेगवेगळे ड्रेस परिधान केले आहे. आता त्यांच्या या शोची सोशल मीडियावर जोरदार चर्चा होते आहे. रंजन तेंडुलकर यांनी रविश कुमार यांच्या या शोबद्दल एक ट्विट केले आहे, " काल म्हणे रविश कुमार ने जाकिटातून जोडे मारले शालजोडीऐवजी काल शोमध्ये दर ५-७ मिनिटांनी रवीश कुमार नव्या ड्रेसमध्ये दिसले….तब्बल १४ ड्रेस एका शोमध्ये. भक्तांना यावर टिका करायची होती पण... रविश कुमारने "कपड़े बदलकर किसी और के कपड़े उतार" दिए." असे त्यांनी म्हटले आहे.
काल म्हणे रविश कुमार ने जाकिटातून जोडे मारले शालजोडीऐवजी 😂😂
— Ranjan Tendulkar (@TendulkarRanjan) December 26, 2021
काल शोमध्ये दर ५-७ मिनिटांनी रवीश कुमार नव्या ड्रेसमध्ये दिसले….तब्बल १४ ड्रेस एका शोमध्ये. भक्तांना यावर टिका करायची होती पण...😂😂
रविश कुमारने "कपड़े बदलकर किसी और के कपड़े उतार" दिए. pic.twitter.com/pZURmYizLd
रवीश कुमार यांनी आपल्या कार्यक्रमातून पंतप्रधान नरेंद्र मोदी हे कोरोना संकटाच्या काळात घेत असलेल्या जाहीर सभांवर टीका केली आहे. "२०२१ हे वर्ष संपत असताना आपण काही गोष्टी संपवत आहोत, त्यासाठी लोक मेहनतही घेत आहेत, नेमके काय संपवायचे आहे त्याचे नाव सध्या सांगणार नाही, पण 'लाभार्थी' सरकारचा असा विद्यार्थी आहे ज्याला पंतप्रधानांच्या प्रत्येक रॅलीला हजर रहावे लागते," असे सांगत त्यांनी आपल्या कार्यक्रमाची दिशा स्पष्ट केली आहे.
काही दिवसांपूर्वी काशी कॉरीडॉरच्या उद्घाटनाचा मोठा इव्हेंट पंतप्रधान नरेंद्र मोदी यांच्या उपस्थितीमध्ये करण्यात आला. या कार्यक्रमात पंतप्रधान मोदी हे एकटे कॅमेऱ्यावर दिसतील अशापद्धतीने तयारी करण्यात आली होती. पण त्याचबरोबर पंतप्रधान मोदींनी काही वेळाच्या या कार्यक्रमात अनेकवेळा आपले ड्रेस बदलल्याचे फोटोही व्हायरल झाले होते. रवीश कुमार यांनी हाच धागा पकडून पंतप्रधान मोदींना लक्ष्य केल्याची चर्चा आहे.
फ़ैन्सी ड्रेस प्रतियोगिता।
— Surya Pratap Singh IAS Rtd. (@suryapsingh_IAS) December 14, 2021
ड्रेस नम्बर (1, 2, 3, 4 ) pic.twitter.com/XKRZeVdULs
