#punerains : पुण्यात २ तासात कोसळलेल्या पावसाने हाहाकार

पुण्यात रविवारी संध्याकाळी झालेल्या मुसळधार पावसाने अनेक ठिकाणी पाणी भरले गेले होते. सोमवारी सकाळी पावसाने विश्रांती घेतल्याने पुणेकरांना दिलास मिळाला असला तरी रविवारी झालेल्या पावसामुळे पुन्हा एकदा महापालिकेचे दावे पाण्यात वाहून गेल्याचे सिद्ध झाले आहेय

रविवारी दोन तास कोसळलेल्या मुसळधार पाऊसामुळे पुण्यात अनेक ठिकाणी पाणी भरले गेले होते. अनेक ठिकाणी झाडं कोसळली आहेत.

1) चंदननगर पोलीस स्टेशन

2) वेदभवन, कोथरुड

3) वनाज जवळ कचरा डेपो, कोथरुड

4) लमाण तांडा, पाषाण

5) सोमेश्वर वाडी, पाषाण

6) वानवडी, शितल पेट्रोल पंप

7) बी टी ईवडे रोड

8) कात्रज उद्यान

या ठिकाणी पाणी भरले होते. तर एनसीएल जवळ पाषाण, साळुंखे विहार, कोंढवा, ज्योती हॉटेल, चव्हाणनगर आणि रुबी हॉलजवळ झाडं पडल्याच्या घटना घडल्या आहेत.

पुण्यात संध्याकाळी अचानक मुसळधार पाऊस सुरू झाल्यामुळे दांडेकर पूल परिसरातील वस्त्यांमध्ये पुन्हा पुराचा फटका बसला. अनेक वस्त्यांमध्ये घरात पाणी शिरले होते, त्यामुळे गाळ आणि घाणही या घरांमघ्ये साठली होती.