पॉप्युलर फ्रंट संघटनेच्यावतीने हजरत मौलाना सिद्दिकी यांच्या अटकेच्या विरोधात निदर्शने

औरंगाबाद : औरंगाबाद शहरातील पॉपुलर फ्रंट संघटनेच्यावतीने हजरत मौलाना कलीम उद्दीन सिद्दिकी यांना उत्तर प्रदेश सरकारने खोटे आरोप करून अटक केली असा आरोप करीत त्यांच्यावरील आरोप रद्द करून त्यांची सुटका करण्यात यावी या मागणीसाठी शहरातील पॉप्युलर फ्रंट संघटनेच्या वतीने आज जिल्हाधिकारी कार्यालयासमोर निर्देशने करण्यात आली असून या संदर्भातील निवेदन जिल्हाधिकारी सुनील चव्हाण यांना देण्यात आले आहे.

उत्तर प्रदेश सरकारने कायदेशीरपणे अटक न करता त्यांना एका गुन्हेगारासारखी वागणूक देऊन त्यांच्यावर खोटे आरोप करून त्यांना अटक केल्याचे म्हणत निदर्शने करण्यात आली.

हजरत मौलाना सिद्दिकी यांच्यावर बळजबरीने धर्म परिवर्तन करण्याबाबत, परदेशातून निधी घेतल्याबाबत आरोप करण्यात आले आहेत ते तथ्यहीन असल्याचे आंदोलकांनी म्हटले आहे, याबाबत यूपी सरकार एकही पुरावा देऊ शकत नाहीत त्यामुळे सरकारने त्यांना सोडून द्यावे. परदेशातून आरएसएसला देखील निधी मिळतो याची माहिती सरकार आणि गुप्तचर विभागाकडे आहे त्यांनी त्यांच्यावर कारवाई करावी , आणि हजरत मौलाना सिद्दिकी तातडीने सुटका करण्यात यावी, अन्यथा तीव्र आंदोलन करण्याचा इशारा पॉप्युलर फ्रंटच्या वतीने देण्यात आला.