संयुक्त राष्ट्र सुरक्षा परिषदेच्या अध्यक्षपदी भारताला संधी

नवी दिल्ली : जगातील सर्वात शक्तीशाली 15 सदस्य असलेल्या संस्था संयुक्त राष्ट्र सुरक्षा परिषदेच्या अध्यक्षपदी भारताला संधी मिळाली आहे. भारताला फ्रान्सकडून अध्यक्षपदाच्या पुढील कार्यभार सोपवण्यात आला. संयुक्त राष्ट्र सुरक्षा परिषदेच्या अध्यक्षपदी भारताला संधी मिळाल्यानंतर चीन आणि पाकिस्तानला धक्का बसला आहे.

दरम्यान भारताला अध्यक्षपदी संधी मिळाल्यानंतर पाकिस्तानच्या परराष्ट्र मंत्रालयानं यावर प्रतिक्रिया देतांना म्हटलं आहे की, भारत त्यांच्या कारकिर्दीत निष्पक्ष काम करेल असा आम्हाला विश्वास आहे. आपल्या कार्यकाळात भारत सर्व नियमांचे पालन करेल असं प्रवक्ते जाहिद हाफीज चौधरी यांनी म्हटलं आहे. भारताचा हा कार्यकाळ पुढील 1 महिना चालणार आहे. या आधी 1 जानेवारी 2021 रोजी भारत सुरक्षा परिषदेचा सदस्य बनला होता.

#IndiainUNSC

Message from 🇮🇳 Permanent Representative @ambtstirumurti on the eve of #India taking over as President of the UN Security Council. @MEAIndia pic.twitter.com/8CL7HV0EPp

— India at UN, NY (@IndiaUNNewYork) July 31, 2021