अभिनेता रजत बेदीच्या कारच्या धडकेत एकाचा मृत्यू

अभिनेता रजत बेदीच्या कारच्या धडकेत राजेश रामसिंग दूत याचा मृत्यू झाल्याची घटना समोर आली आहे. रजतच्या गाडीने मुंबईच्या डी एन नगर परिसरात रस्ता ओलांडणाऱ्या पादचाऱ्याला सोमवारी धडक दिली होती. त्यानंतर रजत बेदीनेच राजेश दूत यांना कूपर रुग्णालयात दाखल केलं होतं, मात्र उपचारादरम्यान त्यांचा मृत्यू झाला आहे. पोलिसांनी कलम 304A अन्वये रजत बेदीविरोधात गुन्हा दाखल केला आहे.

अभिनेता रजत बेदीविरोधात सुरुवातीला कलम 279 आणि 338, तसंच मोटार वाहन कायद्याच्या संबंधित कलमांखाली गुन्ह्याची नोंद केली होती. कार स्वतः रजत बेदी चालवत होता. रस्ता क्रॉस करणाऱ्या व्यक्तीला रजतच्या गाडीने उडवलं, असं सांगिण्यात आलं होतं. या प्रकरणी अद्याप कोणालाही अटक करण्यात आलेली नाही.