मोदींचा लसीकरणाच्या सर्टिफिकेटवरील फोटो हटवण्यात येणार…

सध्या पाच राज्यांच्या विधानसभा निवडणुकीची घोषणा निवडणूक आयोगाने केली आहे. उत्तर प्रदेश, उत्तराखंड, गोवा, पंजाब, मणीपूर या पाच राज्यांमध्ये निवडणूका होत आहेत. या पाच राज्यात निवडणुका होत असल्याने याठिकाणी आदर्श आचार संहिता लागू झाली आहे.

त्यामुळे निवडणूक होणाऱ्या या पाच राज्यांमध्ये कोरोना लसीकरणाच्या प्रमाणपत्रावरील मोदींचा फोटो हटवण्यात येणार आहे. त्याच बरोबर कोविन प्लॅटफॉर्मवर आवश्यक ते फिल्टर लावण्यात येणार आहे. या संदर्भात केंद्रीय स्वास्थ मंत्रालयाच्या सूत्रांनी ही माहिती दिली आहे.

गेल्यावर्षी पश्चिम बंगाल राज्यांमधील निवडणूका पार पडल्या होत्या. यावेळीही अशाच प्रकारे मोदी यांचा फोटो हटवण्यात आला होता.

भारतात विरोधी पक्षांनी मोदी यांच्या लसीकरण प्रमाणपत्रावरील फोटो वरून टीका केली आहे. जगभरात कुठेही अशाप्रकारे राष्ट्राध्यक्षांचा फोटो लसीकरण प्रमाणपत्रावर नाही.

पाच राज्यात मार्चपर्यंत निवडणूका होत आहेत. या राज्यात निवडणूक आचारसंहिता लागू झाल्यामुळे आता दहा मार्च पर्यंत म्हणजे निवडणुकांचा निकाल येईपर्यंत मोदी यांचा फोटो लसीकरण प्रमाणपत्रावर दिसणार नाही.