उदयनराजेंची टू व्हिलर फेरी म्हणजे नौटंकी- शिवेंद्रराजे

सातारा नगरपालिका निवडणुकीचे पडघम आतापासूनच वाजू लागले आहेत. या निवडणुकीआधीच उदयनराजे विरुद्ध शिवेंद्रराजे भोसले यांचा संघर्ष रंगण्याची शक्यता आहे, कारण आता शिवेंद्रसिंहराजे भोसले यांनी थेट उदयनराजे यांच्यावर जोरदार टीका केली आहे. "सातारा शहरात टुव्हीलर चालवत विकास कामाचे उद्घाटन करत फिरणाऱ्यांनी पाच वर्ष फक्त पोस्टरबाजीवरच विकास केला आहे.

त्यांनी टुव्हीलर जशी व्यवस्थित चालवली तसेच सातारची नगरपालिका देखील पाच वर्ष व्यवस्थित चालवायला हवी होती. आज जी विकास कामे दाखवली जात आहेत, ती फक्त नौटंकी आहे अशी घणाघाती टीका आमदार शिवेंद्रसिंहराजे भोसले यांनी केली आहे. आता त्यांच्या या टीकेला उदयनराजे काय उत्तर देतात ते पाहणे महत्त्वाचे ठरणार आहे.