3 आठवड्यात 45 वर्षांवरील सर्वांना लस देण्याची तयारी

मुंबई : कोरोना संसर्गाचा विळखा मोडून काढण्साठी २५ वर्षापुढील सर्वांना कोविड प्रतिबंधात्मक लस द्यावी अशी विनंती मुख्यमंत्री उद्धव ठाकरे यांनी पंतप्रधान नरेंद्र मोदी यांच्याकडे केली आहे. त्याचबरोबर लसीकरणाचा वेग वाढवण्यासाठी केंद्राने जादा डोस द्यावेत अशी विनंती मुख्यमंत्री उद्धव ठाकरे यांनी केली आहे. मुंबई, पुणे, ठाणे, नाशिक, औरंगाबाद, नागपूर ६ जिल्ह्यांमध्ये कोरोनाचे सर्वाधिक रुग्ण आहेत. फक्त 3 आठवड्यात ४५ वर्षापुढील सर्वाना लस देण्याची आमची तयारी आहे पण यासाठी दीड कोटी डोस मिळावेत, अशी मागणी करण्यात आली आहे.

मोठ्या संख्येने तरुण वर्ग घराबाहेर कामाला जातो त्याला लस मिळाल्यास रुग्ण संख्या कमी होण्यास मदत होईल असेही मुख्यमंत्र्यांनी या पत्रात म्हटले आहे. कोविड लसीकरणास राज्याने अतिशय गांभीर्याने घेतले असून ४ एप्रिल पर्यंत ७६.८६ लाख जणांना कोविड प्रतिबंधात्मक लस देण्यात आली आहे. तर ३ एप्रिल रोजी राज्यात सर्वाधिक म्हणजे ४.६२ लाख जणांना लस देण्यात आल्याची माहितीही या पत्रात देण्यात आली आहे.