स्मार्टफोनच्या व्यवसायातून मोठ्या कंपनीची एग्झिट
सध्याचे युग स्मार्टफोनचे युग आहे, या क्षेत्रात अनेक मोठमोठ्या कंपन्या उतरत असताना आता एका कंपनीने मात्र स्मार्टफोनच्या या व्यवसायातून बाहेर पडण्याचा निर्णय घेतला आहे. दक्षिण कोरीयामधील मल्टिनॅशनल इलेक्ट्रॉनिक्स कंपनी LGने स्मार्टफोनच्या निर्मितीमधून बाहेर पडण्याचा निर्णय़ घेतला आहे. कंपनीने जाहीर केलेल्या निवेदनात भविष्यातील इतर योजनांसाठी स्मार्टफोनच्या व्यवसायातून कंपनी बाहेर पडत असल्याची घोषणा केली आहे. सध्या उपलब्ध असलेले कंपनीचे फोन विक्री केले जातील, तसेच जे ग्राहक सध्या स्मार्टफोन वापरत आहेत त्यांना काही काळासाठी सेवा पुरवण्यात येईल असेही कंपनीने स्पष्ट केले आहे. कर्मचाऱ्यांबाबतचा निर्णय़ स्थानिक पातळीवर घ्यावा असेही कंपनीने स्पष्ट केले आहे.
इलेट्रिक वाहनांच्या सुट्या भागांची निर्मिती, स्मार्टहोम्स, रोबोटिक्स, आर्टिफिशियल इंटेलिजन्स यासारख्या क्षेत्रात कंपनी आता लक्ष केंद्रीत करणार असल्याने स्मार्टफोनचच्या क्षेत्रातून बाहेर पडण्याचा निर्णय घेतला आहे. पण कंपनीला स्मार्टफोनच्या व्यवसायात मोठ्या प्रमाणात तोटा झाल्याने यामधून बाहेर पडण्याचा निर्णय घेतला गेल्याची चर्चा आहे.
