चिंता वाढली, देशात २४ तासात १३ हजार ९९३ रुग्ण, १०१ मृत्यू

कोरोनाची रुग्णसंख्या आता पुन्हा वाढू लागली आहे. देशात गेल्या चोवीस तासात १३ हजार ९९३ रुग्ण आढळले आहेत. तर १०१ रुग्णांचा मृत्यू झाला आहे. यामुळे आतापर्यंत करोनाची बाधा झालेल्या एकूण रुग्णांची संख्या १ कोटी ९ लाख ७७ हजार ३८७ झाली आहे. यापैकी १ लाख ४३ हजार १२७ रुग्णांवर सध्या उपचार सुरू आहेत. तर १ कोटी ६ लाख ७८ हजार ४०८ रुग्ण बरे होऊन घरी गेले आहेत. तर मृतांची एकूण संख्या १ लाख ५६ हजार २१२ झाली आहे.

दरम्यान आरोग्य मंत्रालयाने दिलेल्या माहितीनुसार शुक्रवारी संध्याकाळपर्यंत कोरोनावरील लस ही १ कोटी ४ लाख ४९ हजार ९४२ लोकांना दिली गेली आहे. यापैकी ६२ लाख ९५ हजार ९०३ आरोग्य कर्मचाऱ्यांना पहिला डोस दिला गेला आहे. तर ७ लाख ५६ हजार ९४२ कर्मचाऱ्यांना लसीचा दुसरा डोस दिला गेला आहे.