अजित पवारांच्या विमान अपघाताबाबत महत्त्वाची माहिती आली समोर
२८ जानेवारी २०२६ रोजी उपमुख्यमंत्री अजित पवारांचा विमान अपघातात मृत्यु झाला. या प्रकरणी त्यांचे पुतणे आणि आमदार रोहित पवारांनी पत्रकार परिषद घेत अनेक प्रश्न उपस्थित करत काही शंकाही उपस्थित केल्या. त्यावर आता केंद्र सरकारच्या नागरी उड्डयण मंत्रालयाकडून महत्त्वाची माहिती देण्यात आलीय.
विमान अपघात चौकशी ब्युरो अर्थात (Aircraft Accident Investigation Bureau) ने अजित पवारांच्या विमान अपघाताच्या चौकशीबाबत महत्त्वाची माहिती दिलीय. २८ जानेवारी २०२६ रोजी सकाळी ८ वाजून ४४ मिनिटांच्या सुमारास बारामती इथं वीटी-एसएसके यांच्या लीयरजेट ४५ या विमानाचा अपघात झाला. त्यात दुर्देवानं अजित पवारांसह विमानातील सर्वांचा मृत्यू झाला. आता या सर्व अपघाताची चौकशी ही विमान अपघात चौकशी ब्युरो विमा (अपघात आणि घटनांची चौकशी) नियम २०१७ आणि आईसीएओ संलग्न १३ च्या आंतरराष्ट्रीय मानकं आणि अनुशासित प्रक्रियेनुसार करत आहे.
ब्लॅक बॉक्सचं काय झालं ?
ज्या विमानातून अजित पवार हे प्रवास करत होते, त्यामध्ये दोन स्वतंत्र उडाण रेकॉर्डर लावण्यात आले होते. अपघाताच्या वेळी हे दोन्ही रेकॉर्डर बऱ्याच वेळापासून तीव्र उष्णतेच्या संपर्कात होते, त्यातच आग लागल्याने त्या दोन्ही रेकॉर्डरचं नुकसान झालं.
L3 कम्युनिकेशन्स द्वारा निर्मित डिजिटल फ्लाइट डाटा रेकॉर्डर (Digital Flight Data Recorder - DFDR) ला AAIB (Aircraft Accident Investigation Bureau) फ्लाइट रेकॉर्डरला प्रयोशाळेत यशस्वीपणे डाऊनलोड करण्यात आलं आहे.
हनीवेल द्वारा निर्मित कॉकपिट व्हाईस रेकॉर्डर (CVR) ची सविस्तरपणे तांत्रिक तपासणी सुरु आहे. डाटा मिळविण्यासाठी ज्या कंपनीनं हा CVR तयार केला होता, त्या देशाच्या मान्यताप्राप्त प्रतिनिधींसोबत संपर्क करण्यात आला आहे, अशी माहिती नागरी उड्डयन मंत्रालयानं दिलीय.
विमान अपघात चौकशी ब्युरो (AAIB) कडून अजित पवारांच्या विमान अपघाताची प्रोटोकॉलनुसार चौकशी सुरु आहे. या चौकशीची माहिती वेळोवेळी माध्यमांना दिली जाणार आहे. शंका उपस्थित करणाऱ्यांपासून सावध राहण्याचा सल्लाही यावेळी नागरी उड्डयन मंत्रालयानं दिलाय.
