संजय राऊत यांच्या घरी ED ची टीम
शिवसेना आणि भाजपमधील संघर्ष चिघळलेला असताना उद्धव ठाकरेंची बाजू माध्यमांमध्ये सडेतोडपणे मांडणारे खासदार संजय राऊत यांच्या अडचणी आता आणखी वाढल्या आहेत. संजय राऊत यांच्या घरी EDचे अधिकारी रविवारी सकाळी दाखल झाले आहेत. पत्रावाला चाळ प्रकरणी संजय राऊत हे याआधी ED कार्यालयात हजर झाले होतते. त्यावेळी त्यांची अनेक तास चौकशी झाली होती. दरम्यान संजय राऊत यांना EDने पुन्हा एकदा चौकशीसाठी समन्स बजावले होते. पण राऊत हे पावसाळी अधिवेशनासाठी दिल्लीत असल्याने ते ED समोर हजर झाले नव्हते. पण आता EDचे अधिकारी राऊत यांच्या घरी दाखल झाल्याने खळबळ उडाली आहे. EDने याआधी संजय राऊत यांची मालमत्ता जप्त केली होती.
सुमारे 1 हजार कोटींच्या पत्रावाला चाळ पुनर्विकास प्रकरणात ईडीकडून संजय राऊत यांची चौकशा सुरू आहे. हे प्रकरण एका बांधकाम कंपनीसी संबंधित आहे. गुरूआशिष कन्स्ट्रक्शन कंपनीने म्हाडाशी गोरेगावमधील पत्राचाळीच्या पुनर्विकासाचा करार केला. कंपनीला इथे सुमारे 3 हजार घरं बांधायची होती. त्यापौकी साडे 700च्या आसपास घरं ही पत्रा चाळीतील रहिवाशांना मिळणार होती. पण या कंपनीने बांधकाम न करताच ती जागा 1 हजार कोटींना दुसऱ्याच बिल्डरला विकल्याचा आरोप आहे. याच प्रकरणात संजय राऊत हे अडचणीत आले आहेत.
दरम्यान संजय राऊत यांनी ट्विट केले आहे महाराष्ट्र आणि शिवसेना लढत राहणार, शिवसेना सोडणार नाही असे म्हटले आहे.
त्यानंतर संजय राऊत यांनी आणखी एक ट्विट केले आहे.
खोटी कारवाई..खोटे पुरावे, मी शिवसेना सोडणार नाही..मरेन पण शरण जाणार नाही
जय महाराष्ट्र
कोणत्याही घोटाळ्याशी माझा काडीमात्र संबंध नाही. शिवसेना प्रमुख बाळासाहेब ठाकरे यांची शपथ घेऊन मी हे सांगत आहे..बाळासाहेबांनी आम्हाला लढायला शिकवलंय..
मी शिवसेनेसाठी लढत राहीन. असेही त्यांनी ट्विटमध्ये म्हटले आहे.
