मुंबईत अनेक ठिकाणी लसीकरण ठप्प, महापालिकेकडून अधिकृतपणे घोषणा
कोरोनावरील लसीच्या पुरवठ्यावरुन राज्य सरकार आणि केंद्र सरकारमध्ये जोरदार खडाजंगी सुरू असताना आता मुंबईत अनेक ठिकाणी लसीकरण ठप्प झाले आहे. मुंबई महापालिकेने केंद्र सरकारकडून लसींचा पुरेसा पुरवठा होत नसल्याचे सांगत काही ठिकाणी लसीकरण होऊ शकत नसल्याचे जाहीर केले आहे. तसेच लस उपलब्ध झाल्यानंतर तातडीने लसीकरण सुरू करणार असल्याचे महापालिकेतर्फे जाहीर करण्यात आले आहे.
Dear Mumbaikars. Some of the vaccination-centres are short of vaccines due to non-receipt of stocks from Govt of India but all centres should be up and vaccinating soon. We regret the inconvenience and we shall keep you updated.
— माझी Mumbai, आपली BMC (@mybmc) April 9, 2021
दरम्यान मुंबईत काही ठिकाणी लसीचा एक दिवसाचा साठा शिल्लक असल्याची माहिती मुंबईच्या महापौर किशोरी पेडणेकर यांनी दिली आहे. तर दुसरीकडे जिथे लसीकरण होते आहे तिथे मोठी गर्दीदेखील होत असल्याचे दिसते आहे. लस नसल्याने बीकेसी, मुलुंडमध्ये लसीसकरण बंद करण्यात आले आहे. अनेक केंद्रांवर लसच उपलब्ध नसल्याने लसीकरण बंद ठेवण्यात आल्याचेही त्यांनी सांगितले आहे. लसीचा दुसरा डोस घेणाऱ्यांचीही गर्दी आता केंद्रांबाहेर होत आहे. दरम्यान केंद्राकडून राज्याला पुरेसा लस साठ होत नसल्याचा आरोप आरोग्य मंत्री राजेश टोपे यांनी आकडेवारीसह केला आहे.
