धक्कादायक: छत्तीसगडमधील जशपूरमध्ये भरधाव कारने भाविकांना चिरडले; एक ठार

छत्तीसगड छत्तीसगडमधील जशपूरमध्ये आज एका भरधाव कारने भाविकांना चिरडले. या अपघातात एकाचा मृत्यू झाला आहे. तर २० हून अधिक जखमी झाले आहे. दरम्यान या घटनेत मृतांची संख्या वाढण्याची शक्यता व्यक्त करण्यात आली आहे. हा अपघात जशपूर जिल्ह्यात झाला असून दुर्गा विसर्जनानिमित्त काढण्यात आलेल्या शोभायात्रामध्ये कारने अक्षरक्ष: भाविकांना चिरडले.

या अपघाताची दृश्य मोबाईल कॅमेरात कैद झाली असून या अपघातात ठार झालेल्या एका व्यक्तीचे नाव गौरव अग्रवाल असे आहे , तो जशपूरच्या पाथळगावचा रहिवासी आहे. दरम्यान इतर जखमींना पाथळगाव सिव्हिल हॉस्पिटलमध्ये उपचारासाठी दाखल करण्यात आल्याची माहिती समोर येत आहे.

A speeding vehicle runs over a Hindu religious procession in Jashpur, Chattisgarh, without any provocation whatsoever.
This is second such instance of communal profiling and assault on Hindus while CM @bhupeshbaghel is busy helping the Gandhi siblings find political ground in UP. pic.twitter.com/olheUNVPgG

— Amit Malviya (@amitmalviya) October 15, 2021

दरम्यान घटनेनंतर संतप्त लोकांनी कारचा पाठलाग करत कारला आग लावून दिली आहे. मिळालेल्या माहितीनुसार, चालक कार सोडून पळून गेला. जेव्हा लोकांनी कार पकडली तेव्हा संपूर्ण कार गांजाने भरलेली होती अशी माहिती मिळत आहे, ग्रामस्थांनी पोलीस प्रशासन आणि यंत्रणेवर यावरून प्रश्नचिन्ह उपस्थित केले आहे.