Home > News Update > देवेंद्र फडणवीस यांची पूजा चव्हाण आत्महत्या प्रकरणाच्या चौकशीची मागणी....

देवेंद्र फडणवीस यांची पूजा चव्हाण आत्महत्या प्रकरणाच्या चौकशीची मागणी....

देवेंद्र फडणवीस यांची पूजा चव्हाण आत्महत्या प्रकरणाच्या चौकशीची मागणी....
X

बीड जिल्ह्यातील परळी बैजनाथ येथील एका 22 वर्षीय तरुणीच्या कथित आत्महत्या प्रकरणाला आता राजकीय वळण लागलं आहे. विविध माध्यमांमध्ये तसेच समाजमाध्यमांवर विविध प्रकारच्या चर्चा होत आहेत. त्यासंदर्भात काही ऑडिओ क्लिप्स देखील सोशल मीडियावर व्हायरल झाल्या आहेत. या सर्व प्रकरणाबाबत राज्याचे विरोधी पक्ष नेते देवेंद्र फडणवीस यांनी पोलिस महासंचालकांकडे तक्रार केली असून या प्रकरणाच्या चौकशीची मागणी केली आहे.

पूजा चव्हाणच्या कथित आत्महत्याप्रकरणातील काही ऑडिओ क्लिप्स सुद्धा समाजमाध्यमांमध्ये व्हायरल होत आहेत. अशा एकूण 12 ऑडिओ क्लिप्स माझ्या कार्यालयास प्राप्त झाल्या आहेत.. या ऑडिओ क्लिप्समध्ये बोलणारे कोण आहेत, त्यांच्या संवादाचा नेमका अर्थ काय, त्यातून पूजा चव्हाणची खरोखर आत्महत्या आहे की तिला आत्महत्येस प्रवृत्त करण्यात आले, असे अनेक प्रश्न यानिमित्ताने उपस्थित होत आहेत.

एकूणच तिच्या मृत्यूबाबत संशयाचे वातावरण यामुळे निर्माण होत आहे. सध्याचा तपास हा वरकरणी होत असल्याचे खेदाने नमूद करावेसे वाटते. ही आत्महत्या किंवा आत्महत्येमागील घटनाक्रम संशयास्पद असल्याचा आरोप त्यामुळे बंजारा समाजातून मोठ्या प्रमाणात होतो आहे.

त्यामुळे या सर्व ऑडिओ क्लिप्सची सखोल आणि सर्वंकष चौकशी होणे नितांत गरजेचे आहे. ही चौकशी तत्काळ करून बंजारा समाजात अतिशय लोकप्रिय असलेल्या या तरुणीला तत्काळ न्याय द्यावा आणि दोषींवर कठोर कारवाई करावी.

Updated : 12 Feb 2021 1:52 PM GMT
Tags:    
Next Story
Share it
Top