देशांतर्गत हवाईसेवा पूर्ववत : 18 ऑक्टोंबरपासून १०० टक्के क्षमतेने विमानप्रवास

नागरी उड्डयन मंत्रालयाने 18 ऑक्टोबरपासून कोणत्याही क्षमतेच्या निर्बंधाशिवाय नियोजित देशांतर्गत हवाई सेवा पूर्ववत करण्यास परवानगी दिली आहे. म्हणजेच 18 ऑक्टोबरपासून विमान कंपन्या 100 टक्के क्षमतेने आपली सेवा देऊ शकणार आहेत. सध्या ही क्षमता 85 टक्के आहे. त्याआधी ही क्षमता 72.5 टक्के इतकी होती.

मंत्रालयाच्या अधिकृत निवेदनात म्हटले आहे की, "21 मे 2020 च्या आदेशानुसार कोविड प्रादुर्भावामुळं हवाई प्रवासासाठी मर्यादा टाकण्यात आली होती. त सद्यस्थितीच्या प्रवासाच्या मागणीचे पुनरावलोकन केल्यानंतर ते पुर्ववत करण्याचा निर्णय घेण्यात आला आहे. कोणत्याही क्षमतेच्या बंधनाशिवाय 18-10-2021 पासूनदेशांतर्गत हवाई सेवा सुरु होणार आहे. "एअरलाइन्स विमानतळ ऑपरेटर मात्र हे सुनिश्चित करतील की कोविडचा प्रसार रोखण्यासाठी मार्गदर्शक तत्त्वांचे काटेकोरपणे पालन केले जाईल आणि प्रवासादरम्यान त्यांच्याकडून कोविड योग्य वर्तन काटेकोरपणे लागू केले जाईल," असे निवेदनात म्हटले आहे.

आजच्या नागरी उड्डयन मंत्रालयाने भारतातील सर्व विमानसेवा आणि विमानतळांना हे नवीन परिपत्रक जारी केले, विमानतळांवर संसद सदस्यांना सहाय्य प्रदान करण्यास सांगितले आहे.