संत ज्ञानेश्वर आणि जगद्गुरु तुकोबा महाराजांच्या पालखी सोहळ्य़ाच्या तारखा जाहीर

गेल्या दोन वर्षांपासून देशात कोरोना संकट असल्यामुळे नियमांचं पालन करुन पालखी सोहळा पार पडला.मात्र यावर्षी कोरोना (corona) संकट काहीसं कमी झालं आहे.म्हणून वारकऱ्यांमध्ये ही उत्साह आहे.जगद्गुरु संत तुकाराम महाराज पालखी सोहळा आणि संतश्रेष्ठ ज्ञानेश्वर महाराजांचा पालखी सोहळ्याच्या तारखा नुकत्याच जाहीर करण्यात आल्या आहेत.

२० जून रोजी तुकाराम महाराजांचा पालखी सोहळा सुरू होणार आहे. तर २१ जून रोजी ज्ञानेश्वर महाराजांची पालखी पंढरपूरकडे प्रस्थान करणार आहे. दोन वर्षांच्या प्रदीर्घ कालावधीनंतर महाराष्ट्राच्या कानाकोपऱ्यातून प्रचंड उत्साहाने वारकरी देहू नगरीत दाखल होतील, अस देहू संस्थानाकडून सांगण्यात आलं आहे. सध्या देहू आणि आळंदी येथे पालखी सोहळ्याची जय्यत तयारी सुरू आहे. जगद्गुरू संत तुकोबांची पालखी २० जून रोजी पंढरपूरच्या दिशेनं प्रस्थान करणार आहे.

मागील दोन वर्षापासून देशात करोना संकट असल्याने काही मोजक्याच वारकऱ्यांच्या उपस्थित पालखी सोहळ्याचं पंढरपूरकडे प्रस्थान करण्यात आलं होतं. यावर्षी करोनाच संकट काहीसं कमी झालं आहे. पालखी सोहळ्याची तारीख जाहीर झाल्याने जोरदार तयारी सुरू झाली आहे. अखेर दोन वर्षानंतर हा पालखी सोहळा संपन्न होतोय, त्यामुळे लाखोंच्या संख्येनं वारकरी देहूत दाखल होतील, अशी माहिती माणिक महाराज मोरे यांनी दिली आहे.