अभिनेता वीर दासचे वादग्रस्त वक्तव्य ; मुंबई पोलिसांकडे तक्रार दाखल

मुंबई : स्टँड-अप कॉमेडियन आणि अभिनेता वीर दासवर जगभरातील भारतीयांकडून टीका होत आहे. वीर दासने दोन दिवसांपूर्वी त्याचा अमेरिकेत झालेल्या एका शोमध्ये भारतीयांबद्दल वादग्रस्त वक्तव्य केलं आहे,

जॉन एफ. केनेडी सेंटरच्या झालेल्या शोच्या शेवटी, त्यानी 'Two India' या शीर्षकाखाली एकपात्री प्रयोग सादर केला. त्यात त्याने म्हटले, "मी अशा भारतातून येतो जिथे आम्ही दिवसा स्त्रीची पूजा करतो आणि रात्री त्यांच्यावर सामूहिक बलात्कार करतो". त्याचा व्हिडिओ समाज माध्यमावर व्हायरल झाल्यानंतर त्याच्यावर जोरदार टीका होत. आंतरराष्ट्रीय व्यासपीठावर देशाचा अपमान केल्याचा आरोप त्याच्यावर होत आहे.

सोबतच भारताविरुद्ध अपशब्द वापरल्या प्रकरणी, वीर दास विरोधात मुंबई पोलिसांकडे तक्रार दाखल करण्यात आली आहे. अ‍ॅड. आशुतोष दुबे यांनी यांनी ही तक्रार दाखल केली आहे.अ‍ॅड. आशुतोष दुबे भाजप-महाराष्ट्राचे कायदा सल्लागार आहेत.

I have filed the complaint against Vir Das Indian Comedian with @CPMumbaiPolice @MumbaiPolice for defaming & spoiling the image of India in the USA, which is inflammatory.

He wilfully spelled inciting & derogatory statements against India, Indian women, & the PM of India. pic.twitter.com/xQuLuGwGZv

— ADV. ASHUTOSH J. DUBEY 🇮🇳 (@AdvAshutoshBJP) November 16, 2021

वीर दासने या वादावर ट्विटरवरून स्पष्टीकरण दिले आहे. वीर दासने ट्विट करत म्हटले आहे की, , "मी यूट्यूबवर पोस्ट केलेल्या व्हिडिओवर मोठ्या प्रमाणात प्रतिक्रिया आली आहे. हा व्हिडिओ वेगळ्या गोष्टी करणाऱ्या दोन अत्यंत वेगळ्या भारताच्या द्वैताबद्दल व्यंग आहे."