मुकेश अंबानींच्या घरावळ सापडलेल्या जिलेटीनच्या नागपूर कनेक्शनची चौकशी का नाही? - कुमार केतकर

मोहन डेलकर यांची आत्महत्या आणि मनसुख हिरेन यांच्या संशयास्पद मृत्यू प्रकरणाचा मुद्दा काँग्रेसचे खासदार कुमार केतकर यांनी राज्यसभेत उपस्थित केला. मोहन डेलकर यांच्या आत्महत्या प्रकरणी राष्ट्रीय तपास यंत्रणेने तपास का सुरू केलेला नाही, असा सवाल त्यांनी उपस्थित केला.

तसेच मुकेश अंबानी यांच्या घराजवळ गाडीत सापडलेले जिलेटीन नागपूरच्या ज्या कंपनीत तयार झाले त्या कंपनीची, डिस्ट्रीब्युटर किंवा पुरवठादार यांची चौकशी का केली जात नाहीये, असा सवाल कुमार केतकर यांनी उपस्थित केला आहे. तसेच जिलेटीन बनवणाऱ्या कंपनीच्या व्यक्तीने विश्व हिंदू परिषदेच्या माध्यमातून राम मंदिरासाठी १५ कोटी रुपये दिले आहेत, त्यामुळे याची चौकशी केली जात नाहीये असा आरोपही कुमार केतकर यांनी विचारला आहे.