कॉंग्रेस महाविकास आघाडीपासून दूर, मुख्यमंत्र्याच्या पत्रकार परिषदेत कॉंग्रेस अनुपस्थितीत

आज राज्याचं अर्थसंकल्पीय अधिवेशन संपले. अधिवेशन संपल्यानंतर मुख्यमंत्री उद्धव ठाकरे यांनी अर्थसंकल्पीय अधिवेशनाच्या शेवटच्या दिवशी पत्रकार परिषद घेतली. या पत्रकार परिषदेत महाविकास आघाडी सरकारचा भाग असलेल्या कॉंग्रेस पक्षाचा एकही नेता या पत्रकार परिषदेत उपस्थित नसल्याचं पाहायला मिळालं. ही पत्रकार परिषद मुख्यमंत्री आणि उपमुख्यमंत्री यांची असते. मात्र, एका बाजूला अनिल देशमुख आणि दुसऱ्या बाजूला अनिल परब असे दोन अतिरिक्त मंत्री घेऊन ही पत्रकार परिषद मुख्यमंत्र्यांनी घेतली. याच्यामध्ये एकही आमदार किंवा वरिष्ठ नेता उपस्थित नव्हता. शिवसेना आणि राष्ट्रवादी या दोनच पक्षाचे नेते या पत्रकार परिषेदत पाहायला मिळाले. त्यामुळं कॉंग्रेसचे महाविकास आघाडीपासून दूरी का? असा सवाल या निमित्ताने उपस्थित होत आहे.

विशेष बाब म्हणजे अजित पवार यांनी अर्थसंकल्प मांडल्यानंतर झालेल्या पत्रकार परिषदेत देखील कॉंग्रेसचा एकही नेता उपस्थित नव्हता.