मुख्यमंत्री एकनाथ शिंदे यांच्या हस्ते विठ्ठलाची महापूजा

राज्यात झालेल्या सत्तांतरानंतर अनपेक्षितपणे मुख्यमंत्री पदी विराजमान झालेले एकनाथ शिंदे यांना आषाढी एकादशी निमित्त विठ्ठलाची पूजा करण्याचा मान मिळाला. गेली दोन वर्ष कोरोनामुळे आषाढी एकादशी साजरी करण्यावर निर्बंध होते. पण यंदा कोरोनाचे सावट कमी झाल्याने पंढरपुरात वारकऱ्यांची मोठ्या प्रमाणात गर्दी आहे.

मुख्यमंत्री एकनाथ शिंदे, त्यांच्या पत्नी लता शिंदे, मुलगा सून आणि नातू यावेळी पूजेसाठी उपस्थित होते. यंदा बीड जिल्ह्यातील गेवराई तालुक्यातील रुई गावचे वारकरी मुरली नवले आणि त्यांच्या पत्नी जिजाबाई नवले या वारकरी जोडप्याला शासकीय पूजेत मानाचे वारकरी म्हणून सहभागी होण्याचा मान मिळाला.