चेन्नई सुपर किंग्सचा पंजाब किंग्स विरोधात पराभव मात्र, गोलंदाज दीपक चाहरने प्रेमाच्या मैदानात बाजी मारली

आयपीएलमध्ये चेन्नई सुपर किंग्स (CSK) विरुद्ध पंजाब किंग्स या संघामधील सामन्यात चेन्नईला 6 विकेट्सने पराभव पत्करावा लागला. मात्र, चेन्नईचा गोलंदाज दीपक चाहरने (Deepak Chahar) मात्र प्रेमाच्या मैदानात बाजी मारली आहे. सामना संपताच दिपकने त्याच्या गर्लफ्रेंडला प्रपोज केलं. तिनेही त्याचं प्रपोज स्वीकारले. त्यामुळे सर्वत्र चेन्नई सुपर किंग्स विरुद्ध पंजाब किंग्स सामन्यापेक्षा दीपकच्याच प्रपोजची जास्त चर्चा दिसून आली. दीपकच्या गर्लफ्रेंडचं नाव जया भारद्वाज असं आहे. ती बिग बॉस 5, स्पिलिट्सविला 2 सारख्या रिएलीटी शोमध्ये झळकली आहे. जया ही अभिनेता सिद्धार्थ भारद्वाज याची बहिण आहे. दरम्यान दीपक आणि तिच्या अफेयरची बरीच चर्चा होती.मात्र, त्यावर आता मोहोर लागली आहे. जया आयपीएल 2021 मध्ये दीपकसोबतच असून ती सीएसकेच्या बायो बबलमध्ये त्याच्यासोबत होती. दरम्यान दिपकच्या प्रपोजने तिला एक वेगळंच सरप्राईज मिळालं आहे. जया ही दिल्लीची राहणारी असून ती सध्या एका कॉर्परेट फर्ममध्ये काम करते. दीपकने जयाला मैदानात प्रपोज करत अंगठी घालत तिला प्रपोज केलं, सध्या त्यांचे मैदानातील हे फोटो सोशल मीडियावर चांगलेच व्हायरल होत आहेत आहे.