बेळगावात भाजपचे कमळ फुललं, स्पष्ट बहुमतासह एकहाती सत्ता

कर्नाटक सह संपुर्ण महाराष्ट्राचे लक्ष लागुन राहिलेल्या बेळगाव महानगरपालिका निवडणुकांचे निकाल सोमवारी लागले. या निकालात भाजपला स्पष्ट बहुमत मिळाले आहे. लागलेल्या निकालांनुसार भाजपने २९ हा बहुमताचा आकडा ओलांडला आहे. यामुळे बेळगाव महानगर पालिकेवर महाराष्ट्र एकीकरण समितीचा भगवा काही आता फडकताना दिसणार नाहीये.

यंदाच्या निवडणुकीत बेळगावात मतदानाचा टक्का घसरल्यामुळे निकालाची उत्सुकता वाढली होती. बेळगावावर महाराष्ट्र एकीकरण समितीचा भगवा फडकावा यासाठी शिवसेनेने समितीला पाठींबा दिला होता. समितीचे ३० पेक्षा जास्त नगरसेवक निवडून येतील, असा दावा संजय राऊत यांनी निवडणुकी आधी केला होता. त्यामुळे बेळगाव महापालिकेच्या निकालाकडे संपूर्ण महाराष्ट्राचं लक्ष लागलं होतं. अखेर या निवडणुकांमध्ये भाजपने बेळगाव महापालिकेवर एकहाती सत्ता काबीज केली आहे. बेळगावातील एकुण ५८ प्रभागात ३८५ उमेदवार आपलं नशीब आजमवत होते.

कुणाला किती जागा ?

भाजप – ३६

महाराष्ट्र एकीकरण समिती – ०२

काँग्रेस – ०९

अपक्ष – १०

एमआयएम – ०१