पुढील वर्षी निवडणुका असलेल्या भाजपशासित ५ राज्यांनी पेट्रोल-डिझेलवरील VAT हटवला
देशभरात झालेल्या पोटनिवडणुकांमध्ये मोठा फटका बसल्यानंतर मोदी सरकारने पेट्रोल आणि डिझेलचे दर कमी केले. पेट्रोल ५ रुपयांनी तर डिझेल १० रुपयांनी स्वस्त झाले आहे. पण यामुळे सामान्यांना खूप मोठा दिलासा मिळालेला नाही, अशी टीका सरकारवर होते आहे. पण आता भाजपशासित काही राज्यांनीही पेट्रोल आण डिझेलवरील व्हॅट कमी केला आहे. त्यामुळे काही राज्यांमध्ये पेट्रोल १२ रुपये आणि डिझेल १७ रुपयांनी स्वस्त झाले आहे.
उ. प्रदेश, गुजरात, कर्नाटक, गोवा, उत्तराखंड, बिहार, आसाम, त्रिपुरा आणि मणिपूर या राज्यांनी पेट्रोल आणि डिझेलवरील व्हॅट कमी केला आहे. यापैकी उ. प्रदेश, गोवा, उत्तराखंड, गुजरात आणि मणिपूरमध्ये पुढच्या वर्षी विधानसभा निवडणुका आहेत.
उत्तराखंडने प्रतिलिटर २ रुपयांनी दर कमी केले आहेत. त्यामुळे केंद्राने केलेली दरकपात आणि राज्यांची दरकपात मिळून पेट्रोल १२ रुपये आणि जिझेल १७ रुपयांनी स्वस्त झाले आहे. तर उत्तर प्रदेशात पेट्रोल आणि डिझेलचे दर १२ रुपयांनी कमी करण्यात आल्याची घोषणा मुख्यमंत्री योगी आदित्यनाथ यांच्या कार्यालयाने केली आहे. यामध्येही गुजरात, कर्नाटक, गोवा, मणिपूर आणि त्रिपुरा या राज्यांनी पेट्रोल आणि डिझेलवरील व्हॅट ७-७ रुपयांनी घटवला आहे. त्यामुळे इथे पेट्रोल १२ रुपये आणि डिझेल १७ रुपयांनी स्वस्त झाले आहे. पण उ. प्रदेशात पेट्रोलवरील व्हॅट ७ रुपये आण डिझेलवरील व्हॅट २ रुपयांनी कमी करण्यात आल्याने इथे दोन्ही १२ रुपयांनी स्वस्त झाले आहे. तर बिहारमध्ये पेट्रोलवरील कर १.३० आणि डिझेल १.९० पैशांनी कमी कऱण्यात आले आहे. त्यामुळे इथे पेट्रोल ६.३० पैसे आणि ११.९० रुपये स्वस्त झाले आहे.
दरम्यान केंद्र सरकारने पोटनिवडणुकांमधील पराभवानंतर किरकोळ दकपात केल्याची टीका काँग्रेसने केली आहे. तसेच केंद्राला मनापासून जनतेला आधार द्यायचा असेल तर पेट्रोल आणि डिझेलवरील कर २०१४मध्ये होते तेवढे केले तर पेट्रोल २४ रुपयांनी आणि डिझेल २८ रुपयांनी स्वस्त होऊ शकते.
