अरुण जेटली अनंतात विलीन

माजी केंद्रीय अर्थमंत्री, भाजपचे ज्येष्ठ नेते व प्रसिद्ध वकील अरुण जेटली यांचं शनिवारी प्रदीर्घ आजारानं निधन झालं. ते ६६ वर्षांचे होते. नवी दिल्लीतील 'एम्स' रुग्णालयात शनिवारी दुपारी १२ वाजण्याच्या सुमारास त्यांनी अखेरचा श्वास घेतला. जेटली यांच्या निधनाने अत्यंत अभ्यासू आणि उत्कृष्ट संसदपटूला देश मुकला आहे. जेटली यांच्या पार्थिवावर आज सायंकाळी ४ वाजता अंत्यसंस्कार होणार आहेत.