नेपाळमध्ये प्रवासी विमान बेपत्ता, ४ भारतीय प्रवाशांचा समावेश

नेपाळमध्ये एका प्रवासी विमानाचा संपर्क तुटल्याने ते बेपत्ता झाले आहे. नेपाळमधील एका खासगी एअरलाईन्सचे हे छोटे विमान आहे. या विमानात २२ प्रवासी होते. नेपाळमधील काही माध्यमांनी दिलेल्या वृत्तानुसार या विमानातील २२ प्रवाशांमध्ये ४ भारतीय नागरिकांचाही समावेश आहे. सध्या तिथल्या माध्यमांनी दिलेल्या ताज्या माहितीनुसार हे Tara Air 9 NAET विमान आहे. दोन इंजिन असलेले हे विमान पोखाराहून जोमसोम जाण्यासाठी उडाले होते.

दरम्यान एएनआयने दिलेल्या वृत्तानुसार, हे विमान जोमसोम प्रांतातील मस्तंग जिल्ह्यात आकाशात उडताना दिसले होते, पण त्यानंतर ते विमान धवलगिरी पर्वताकडे वळले आणि त्यानंतर विमानाचा संपर्क तुटला, अशी माहिती त्या जिल्हाधिकारी नेत्र प्रसाद शर्मा यांनी दिली आहे.