एशियन गेम्स् टेनिसमध्ये अंकिता रैनाने मिळवले कांस्य पदक

आशियाई क्रीडा स्पर्धा 2018 मध्ये भारताने आणखी एक पदक मिळविले आहे. टेनिसमध्ये भारताला कांस्य पदक मिळाले. हे पदक भारतीय टेनिसपटू अंकिता रैनाने मिळवले. हे भारताचे 9 वे कांस्य पदक असून, आता भारताच्या खात्यात 16 पदके आहेत. भारताने आतापर्यंत 4 सुवर्ण, 3 रौप्य व 9 कांस्य पदक मिळविले आहेत. भारताला अंकिता रैनाने गुरुवारी महिला एकेरीत कांस्य पदक मिळवून दिले.