देवेंद्र फडणवीस यांच्याविरोधात एट्रॉसिटीचा गुन्हा दाखल करणार- वामन मेश्राम यांचा इशारा

वामन मेश्राम यांनी RSS चे सरसंघचालक मोहन भागवत यांच्या घराला घेराव घालण्याचा इशारा दिला होता. मात्र वामन मेश्राम यांना पोलिसांनी स्थानबध्द केले. त्यावरून मॅक्स महाराष्ट्रचे सिनियर करस्पाँडंट किरण सोनवणे यांनी वामन मेश्राम यांच्याशी संवाद साधला. यावेळी बोलताना वामन मेश्राम यांनी गृहमंत्री देवेंद्र फडणवीस यांच्याविरोधात गुन्हा दाखल करण्याचा इशारा दिला आहे. तसेच जर पोलिसांनी गुन्हा दाखल केला नाही तर उच्च न्यायालय आणि सर्वोच्च न्यायालयाचा दरवाजा ठोठावणार असल्याचेही वामन मेश्राम म्हणाले. तसेच पुढे बोलताना वामन मेश्राम यांनी आरएसएस ही आतंकवादी संघटना असल्याचे वक्तव्य केले.