Asiatic Society Mumbai Election : कुमार केतकर यांची संयुक्त मुलाखत

Asiatic Society Mumbai Election एशियाटिक सोसायटी ऑफ मुंबई निवडणुकीच्या पार्श्वभूमीवर ज्येष्ठ पत्रकार आणि माजी खासदार कुमार केतकर यांची संयुक्त मुलाखत मॅक्स महाराष्ट्र, वैभव छाया टॉक्स, कायद्यानं वागा चळवळ आणि इंडी जर्नल या युट्युब चॅनल्सच्या मुक्त पत्रकारांकडून घेण्यात आली. या निवडणुकीसाठी काय आहे त्यांचं धोरण? या ऐतिहासिक संस्थेकडे ते कसे बघतात? आणि अशा पद्धतीच्या संस्था कशासाठी हव्या? याचा इतिहास काय? राजकीय हस्तक्षेप म्हणजे नेमकं काय? अशा अनेक प्रश्नांवर कुमार केतकर यांनी आपली भूमिका मांडली आहे. एशियाटिक सोसायटी ही केवळ एक संस्था नाही; ती मुंबईच्या बौद्धिक आणि सांस्कृतिक इतिहासाची जिवंत साक्षीदार आहे. १८०४ मध्ये स्थापन झालेली ही संस्था आजही दुर्मिळ हस्तलिखिते, प्राचीन ग्रंथ, शिलालेख आणि लाखो पुस्तकांचा ठेवा जपते. पण गेल्या काही वर्षांत संस्थेच्या निवडणुकीत राजकीय-संघटनात्मक हस्तक्षेप, गटबाजी आणि वारसाच्या जतनाबाबतची चिंता वाढली आहे.

कुमार केतकर, हे स्वतंत्र विचारांचे आणि प्रखर विश्लेषक म्हणून ओळखले जातात, त्यांचे पॅनल ही निवडणुक लढवत आहे.