कोणत्या मतदार संघातून कोणी दाखल केला उमेदवारी अर्ज?
X
लोकसभा निवडणुकीसाठी आज जवळपास सर्वच राजकीय पक्षाच्या उमेदवारांनी अर्ज दाखल केले. त्यामुळे आजपासून खऱ्या अर्थाने उमेदवार प्रचाराला लागले आहेत. ज्या मतदार संघात 11 एप्रिल आणि 18 एप्रिल अशा दोन टप्प्यांमध्ये मतदान होणार आहे. अशा मतदार संघासाठी आज अर्ज भरण्याचा शेवटचा दिवस आहे. त्यामुळे पहिल्या दोन टप्प्यातील मतदार संघातील देशभरातील उमेदवारांनी आज अर्ज दाखल केले. त्यातच गेल्या काही दिवसात सर्वच राजकीय पक्षामध्ये उमेदवारीवरुन नाराजी पाहायला मिळत आहे. त्यामुळं पक्षांतर सुरु असल्यानं कोणत्या उमेदवाराचं कधी तिकीट कापलं जाईल या भीतीनं उमेदवारांवर सतत टांगती तलवार होती. मात्र, आज फायनल अर्ज भरला गेल्यानं पक्षाचे अधिकृत उमेदवारांनी एक लढाई जिंकली खरी. मात्र, खऱ्या लढाईला आज पासून राजकीय मैदानात सुरुवात झाली आहे. आज उमेदवारी अर्ज दाखल करताना सर्वच उमेदवारांनी शक्ती प्रदर्शनाबरोबरच देवाची पूजा करत भक्ती प्रदर्शनही केले.
प्रितम मुंडेचा अर्ज दाखल
महायुतीच्या बीडच्या उमेदवार डॉ. प्रितम मुंडे यांनी शक्तीप्रदर्शना भक्ती प्रदर्शन करत आज ग्रामविकास मंत्री पंकजा मुंडेंसह सहकुटुंब श्री वैद्यनाथांचं दर्शन घेतलं, त्यानंतर पांगरी येथील लोकनेते गोपीनाथ मुंडे यांच्या समाधीचं दर्शन घेऊन आशीर्वाद घेतले.
आज लोकसभा निवडणुकीचा उमेदवारी अर्ज दाखल करण्यासाठी बीडकडे प्रस्थान करण्यापूर्वी निवासस्थानी आई प्रज्ञाताई मुंडे यांनी औक्षण करून आशीर्वाद दिले. वैद्यनाथ मंदिर येथे ना. @Pankajamunde व कुटुंबियांसह प्रभू वैद्यनाथाचे दर्शन घेऊन गोपीनाथगड येथे गोपीनाथजी मुंडे साहेबांचे दर्शन घेतले. pic.twitter.com/mjYd18b7UA
— Dr. Pritam Munde (@DrPritamMunde) March 25, 2019
यावेळी भाजपचे प्रदेशाध्यक्ष रावसाहेब दानवे, दुग्ध विकास मंत्री महादेव जानकर, यांच्यासह मुंडे कुटुंबीयांची उपस्थिती होती. यावेळी प्रितम मुंडे यांनी शक्ती प्रदर्शन करत अर्ज दाखल केला.
भाजपा-शिवसेना-रिपाइं-रासप- रयत क्रांती महायुतीच्या वतीने मी आज मोठ्या उत्साहात आणि थाटात बीड लोकसभेसाठी उमेदवारी अर्ज दाखल केला. भाजपचे प्रदेशाध्यक्ष @raosahebdanve, पालकमंत्री ना @Pankajamunde, दुग्ध विकास मंत्री @mahadevjankar1 यावेळी उपस्थित होते. pic.twitter.com/RIZ1CralEh
— Dr. Pritam Munde (@DrPritamMunde) March 25, 2019
बजरंग सोनवणे यांचा अर्ज दाखल
आज बीडमध्ये राष्ट्रवादी काँग्रेसचे उमेदवार बजरंग सोनवणे यांनीही आपला उमेदवारी अर्ज दाखल केला. यावेळेस धनंजय मुंडे यांनी शक्ती प्रदर्शन करत मोठ्या जल्लोषात आघाडीचे उमेदवार बजरंग सोनवणे यांनी अर्ज दाखल केला. य़ावेळी बीडमध्ये ‘बजरंगाचे वारे! आहे असं धनंजय मुंडे यांनी म्हटलं असून सत्ताधारी सभा नाकारू शकतात पण सामान्य माणसाचा आवाज दाबू शकत नाहीत.
बीडमध्ये बजरंगाचे वारे!
अफाट ताकदीने पाठीशी उभे राहिलेल्या जनसामान्यांच्या साक्षीने बीड जिल्ह्यातील महाआघाडीचे उमेदवार बजरंग सोनवणे यांनी आज आपला उमेदवारी अर्ज भरला. #परिवर्तनपर्व #LokSabhaelections2019 pic.twitter.com/ga2f8GAvUG
— Dhananjay Munde (@dhananjay_munde) March 25, 2019
परिवर्तन होणार त्याचा हा प्रचंड जनसमुदाय साक्षीदार आहे. सभा झाली असती तर ती रेकॉर्ड ब्रेक ठरली असती. सत्ताधाऱ्यांनी भीती पोटी सभेला परवानगी नाकाराण्याचे पाप केले. तरी आता सामान्य शेतकऱ्याचं पोरच खासदार होणार. असं ट्विट केलं आहे.
नागपुरातून गडकरींचे जोरदार शक्तिप्रदर्शन
नागपूर लोकसभा मतदारसंघातून केंद्रीय मंत्री नितीन गडकरी यांनी आज उमेदवारी अर्ज दाखल केला. यावेळी मुख्यमंत्री देवेंद्र फडणवीस, चंद्रशेखर बानवकुळे उपस्थित होते. भव्य रॅली काढून गडकरींनी आज शक्तीप्रदर्शन केले. गडकरींच्या या शक्तिप्रदर्शन रॅलीसाठी खास इसुझू गाडीचा एक रथ तयार करण्यात आला आहे. या रथातून गडकरींनी मिरवणूक काढत अर्ज दाखल करण्यासाठी कूच केली. गडकरींच्या सौभाग्यवतींनी गडकरी, मुख्यमंत्री आणि उर्जामंत्री यांचं औक्षण केलं. त्यानंतर गडकरींनी घरातल्या देव्हाऱ्यातल्या रेणुका मातेचं दर्शन घेतलं.
आज नागपुर में चुनाव नामांकन भरने से पहले की कुछ तस्वीरें.. pic.twitter.com/yEMnpgnL1t
— Chowkidar Nitin Gadkari (@nitin_gadkari) March 25, 2019
घरातून निघाल्यावर कार्यकर्त्यांसह गडकरी संविधान चौकात दाखल झाले. संविधान चौकात गडकरींनी डॉ. बाबासाहेब आंबेडकर यांच्या पुतळ्याला अभिवादन करत पुष्पहार अर्पण केला. त्यानंतर सुरू झाली शक्तिप्रदर्शन करणारी रथयात्रा काढली. मुख्यमंत्री देवेंद्र फडणवीस आणि नितीन गडकरी यांनी खास नियोजीत केलेल्या रथातून भाषण केली. आणि त्यानंतर नेते आणि कार्यकर्त्यांसह गडकरींनी अर्ज दाखल केला.
आज नागपुरातून एनडीए चा उमेदवार म्हणून उमेदवारी अर्ज भरला. यावेळी सामान्य नागपुरकर आणि कार्यकर्त्यांचे प्रेम उत्साह बघून मला विश्वास आहे की रेकॉर्ड मतांनी आपण ही निवडणूक जिंकून मोदीजींचे हात बळकट करू.#PhirEkBaarModiSarkar @Dev_Fadnavis @BJP4India pic.twitter.com/zDg0KnOjaL
— Chowkidar Nitin Gadkari (@nitin_gadkari) March 25, 2019
तर दुसरीकडे नागपूर मधून भाजपला राम राम ठोकत स्वगृही परतलेले नाना पटोले यांनी अर्ज कॉंग्रेस राष्ट्रवादीचे उमेदवार म्हणून अर्ज दाखल केला. यावेळी नागपूर कॉंग्रेसचे अध्यक्ष विलास ठाकरे, कॉंग्रेसचे ज्येष्ठ नेते विलास मुत्तेवार, डॉ. नितिन राऊत, आमदार सुनिल केदार, कॉंग्रेस प्रवक्ते अतुल लोँढे, अभिजीत वंजारी, अनिस अहमद उपस्थित होते.