ठाकरे सरकारवर टीका करतात म्हणून आशीष शेलारांवर गुन्हा- देवेंद्र फडणवीस

भाजपचे आमदार आशीष शेलार यांच्यावर गुन्हा दाखल झाल्यानंतर आता भाजप विरुद्ध शिवसेना संघर्ष पुन्हा एकदा चिघळला आहे. आशिष शेलार यांनी पोलीस स्टेशनमध्ये जाऊन आपला जबाब नोंदवला. त्यानंतर भाजपच्या समर्थकांनी पोलीस स्टेशनबाहेर जोरदार घोषणाबाजीही केली. तर दुसरीकडे या प्रकरणात विरोधी पक्षेनेते देवेंद्र फडणवीस यांनी आशिष शेलार हे शिवसेनेच्या विरोधात आक्रमक भूमिका मांडतात म्हणून त्यांना शांत करण्यासाठी गुन्हा दाखल केला का असा सवाल देवेंद्र फडणवीस यांनी विचारला आहे. ते नागपूर विमानतळावर पत्रकारांशी बोलत होते. आशिष शेलार कोणत्याही महिलेबद्दल असे बोलू शकत नाहीत. पण आशिष शेलार यांच्यावर गुन्हा दाखल करण्यात आला आहे कारण की आशिष शेलार हे शिवसेनेच्या विरोधात आक्रमक भूमिका मांडतात म्हणून त्यांना शांत करण्यासाठी असे केले गेले आहे, अशी टीकाही फडणवीस यांनी केली आहे.